AP jýrnalıseriniń habarlaýynsha, Ázirbaıjan qarýly kúshteri Taýly Qarabaqty basyp alýǵa uzaq jyl daıyndalǵan kezeńinde ızraıldik seriktesterinen úlken kólemdegi qarý-jaraq satyp alǵan.
Agenttiktiń tilshileri áskerı sarapshylarmen suhbattasyp, 2016-2020 jyldary Izraıldiń Ázirbaıjanǵa áskerı qaraý-jaraq ekspory resmı Bakýge ımporttalǵan qarý-jaraqtyń 70%-yn quraǵanyn alǵa tartty. Osylaısha Ázirbaıjan Izraılmen áskerı-tehnıkalyq baılanysty barynsha kúsheıtip, Armenıamen aradaǵy soǵysta úlken artyqshylyqqa ıe bolǵan. Nátıjesinde olar ózderine tıesili aýmaqty tolyqtaı qaıtaryp aldy.
Bul – Izraıldiń Kavkaz elin qarýlandyrýǵa birinshi ret belsendi aralasýy emes.
2008 jyly Ońtústik Osetıa men Grýzıanyń arasyndaǵy qaqtyǵysqa deıin Izraıl grýzın armıasyn biraq qarý-jaraqpen qamtamasyz etken bolatyn. Naqtyraq aıtsaq, evreıler grýzınderdiń bronetransporterleri men T-72 tankterin Izraılde jasalǵan optıka men sapaly berenmen kúsheıtkeni esimizde.
Sonymen qatar, grýzınderdiń Sý-25 shabýyldaý ushaqtary men eski keńestik tikushaqtaryn ızraıldik elektronıkamen jabdyqtap bergenin de bilemiz.
Ádette Izraıl AQSH qoldaıtyn elderdiń áskerin qajetti qural-jabdyqpen jáne qarý-jaraqpen qamtamasyz etetin amerıkandyq proksı jetkizýshi retinde de tanmal. Osylaısha Izraıl kóp jyldan beri Vashıngtonnyń kóleńkede qalýyna múmkindik jasap keledi.
Associated Press materıaly Ázirbaıjannyń Qarabaqty qaıtarýdyń Aq úıde keliskenin janama túrde rastaıdy. Óıtkeni soǵys kezinde Qurama Shtattardyń barynsha ustamdy bolǵanyn bilemiz.
