Qazaqstan quramasynyń 2026 jylǵy Aziia oiyndarynyń ashylý saltanatyndaǵy tý ustaýshylary belgili boldy. El namysyn dziýdodan Olimpiada chempiony Eldos Smetov pen ústel tennisinen ulttyq qurama sportshysy Sarvinoz Mirkadirova qorǵaidy, dep habarlaidy dalanews.kz.
Qazaqstannyń kók týyn sportshylar sherýi kezinde Eldos Smetov pen Sarvinoz Mirkadirova alyp shyǵady.
Eldos Smetov – 2024 jylǵy Olimpiada chempiony, 2016 jylǵy Olimpiadanyń kúmis jáne 2020 jylǵy Olimpiadanyń qola júldegeri. Sondai-aq sportshynyń qorjynynda álem chempionaty men 2014 jylǵy Aziia oiyndarynyń altyn medaldary bar.
Al Sarvinoz Mirkadirova – Qazaqstannyń birneshe dúrkin chempiony. Ol halyqaralyq WTT Feeder seriiasyndaǵy jarystarda júldege ie bolyp, álem jáne Aziia chempionattaryna qatysqan.
HH jazǵy Aziia oiyndarynyń ashylý saltanaty 19 qyrkúiekte Japoniianyń Nagoia qalasyndaǵy Nagoya City Mizuho Park Athletic Stadium stadionynda ótedi.
Aziada-2026 jarystary 4 qazanǵa deiin jalǵasady.
