Alaiaqtyq jasaǵany úshin kúdikti Ázerbaijannan ekstraditsiialandy, - dep habarlaidy Dalanews.kz.
Búgin QR Bas prokýratýrasy men Ishki ister ministrliginiń qyzmetkerleri Syrtqy ister ministrliginiń kómegimen asa iri kólemdegi alaiaqtyq jasaǵan Qazaqstan azamatyn Ázerbaijannan jetkizdi.
"Ol 2021-2023 jyldar aralyǵynda Birikken Arab Ámirlikterinen uialy telefondardy arzan baǵamen tasymaldaityny týraly aityp, azamattardyń senimderin teris paidalanyp, 21,5 million teńge kólemindegi qarajatyn iemdengen", - dep jazylǵan habarlamada.
Odan bólek 2022 jylǵy qańtarda ol alaiaqtyq jolmen "Toyota Land Cruiser" kóligin iemdenip, jábirlenýshige 24 million teńge shyǵyn keltirgen.
Qylmys jasaǵannan keiin kúdikti quqyq qorǵaý organdarynan jasyrynǵan, sol sebepti oǵan halyqaralyq izdeý jariialandy.
Qazirgi tańda kúdikti Astana qalasyndaǵy tergeý izoliatoryna qamaldy.
Osy qylmystardy jasaǵany úshin ol múlki tárkilenip, 5 jyldan 10 jylǵa deiingi merzimge bas bostandyǵynan aiyrylýy múmkin.
