Aqtaýda 2024 jylǵy 25 jeltoqsanda bolǵan Ázerbaijan aviakompaniiasynyń ushaq apatynan qaza tapqandardy eske alý sharasy ótti. Bul týraly azertag.az basylymy jazdy, - dep habarlaidy Dalanews.kz.
Is-sharany Ázerbaijannyń Qazaqstandaǵy elshiligi jáne Mańǵystaý oblysynyń ákimdigi uiymdastyrǵan.
Eske alýǵa Mańǵystaý oblysynyń ákimi Nurdáýlet Qilybai, Ázerbaijannyń Qazaqstandaǵy elshisi Agalar Atamoǵlanov, Qazaqstannyń Ázerbaijandaǵy diplomatiialyq missiiasynyń basshysy Álim Baiel, Ázerbaijannyń Aqtaýdaǵy bas konsýly Aihan Súleimanly, qaza tapqan qazaqstandyqtardyń otbasy músheleri, Ázerbaijan diasporasynyń ókilderi, qutqarý jumystaryna qatysqan mekemeler, Aqtaý turǵyndary qatysqan.
"Is-shara barysynda kásipker Amil Iýsifov qaza tapqan qazaqstandyqtardyń jaqyndaryna Almatynyń jańa turǵyn úi keshenindegi bes bólmeli páterdiń kiltterin tabys etti. Ol Mańǵystaý oblysynyń Tótenshe jaǵdailar departamentine, Aqtaý aýrýhanasy men jedel jáne shuǵyl meditsinalyq járdem stantsiiasyna úsh jańa kólik syiǵa tartty", - dep jazylǵan habarlamada.
Is-sharada sóz sóilegen Mańǵystaý oblysynyń ákimi Nurdáýlet Qilybai qaza tapqandardyń jaqyndaryna kóńil aityp, Qazaqstan Prezidenti Qasym-Jomart Toqaevtyń tapsyrmasy boiynsha ushaq apatynyń saldaryn joiý jáne onyń sebepterin anyqtaý, zardap shekkenderge kómek kórsetý jónindegi Úkimettik komissiia qurylǵanyn aitty.
Ázerbaijannyń Qazaqstandaǵy elshisi Agalar Atamoǵlanov tragediia barshanyń júreginde tereń iz qaldyrǵanyn jetkizdi.
"Biraq ol bizdi biriktirgenin de aitqym keledi. Taǵy da búkil álemge bizdiń baýyrlas halyqtar ekenimizdi kórsetti jáne bul sózben emes, ispen dáleldendi. Biz muny óz kózimizben osy jerden, Aqtaýdan kórdik", - dedi diplomat.
Aita keteiik, 2024 jyly 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany — 38. Qaiǵyly oqiǵadan 29 adam aman qaldy.
Qaiǵyly oqiǵadan keiin Ázerbaijanda Jalpyulttyq aza tutý kúni jariialandy.
