Osy otyrysta dırektorlar keńesi «Azamattarǵa arnalǵan úkimet» memlekettik korporasıasy» KEAQ basqarma tóraǵasyna Abylaıhan Ospanovty biraýyzdan saılady.
Óziniń eńbek qyzmetin «Jasyl el» jastar eńbek jasaǵynyń respýblıkalyq shtabynda bastaǵan, keıin jeke kompanıalarda jumys istegen, joba menejerinen jobalardy basqarý bóliminiń bastyǵyna deıin qyzmet atqardy.
2011 jyly QR İshki ister mınıstrligine memlekettik qyzmetke aýysty. Tehnıkalyq qyzmet departamentiniń aǵa ınjeneri laýazymynda qyzmet atqardy, İİM-de İT-jobalardy damytýdy úılestirýmen aınalysty. Polısıa leıtenanty ataǵy berildi.
Sondaı-aq, QR Baılanys jáne aqparat mınıstrligi Aqparattyq tehnologıalar salasyndaǵy memlekettik saıasat departamenti dırektorynyń orynbasary, Kólik jáne komýnıkasıalar mınıstrligi Memlekettik qyzmetterdi avtomattandyrýdy baqylaý jáne halyqqa qyzmet kórsetý ortalyqtarynyń qyzmetin úılestirý komıteti tóraǵasynyń orynbasary laýazymdaryn atqarǵan.
2014 jyly Elektrondyq qyzmet jáne halyqqa qyzmet kórsetý ortalyǵyn damytý departamenti basshysy bolyp taǵaıyndaldy. Memlekettik qyzmetterdi avtomattandyrý jáne ońtaılandyrý jáne ruqsat qujattar máselelerimen aınalysty, «Memlekettik kórsetiletin qyzmetter týraly», «Ruqsat qujattar jáne habarlamalar týraly» zań jobalaryn ázirleýge qatysty. Sonymen birge, «HQKO» aqparattyq júıesin, elektrondyq úkimetti damytýmen jáne mobıldi úkimetti endirýmen aınalysty.
2015 jyly «Nur Otan» partıasynyń respýblıkalyq qoǵamdyq qabyldaý bólmesiniń meńgerýshisi bolyp taǵaıyndaldy.
2016 jylǵy sáýirde «Almaty qalasyn damytý ortalyǵy» AQ Basqarma tóraǵasynyń orynbasary bolyp taǵaıyndaldy.
