"Azamattarǵa arnalǵan úkimettiń" burynǵy qyzmetkeri óz atyna 13,6 mlrd teńgeniń jerin jazyp alǵan, dep habarlaidy Dalanews.kz.
Almaty qalasynda A.K. Ábdijaparovqa qatysty memleket menshigindegi jer telimderin alaiaqtyq jolmen iemdený deregi boiynsha aiyptaý úkimi shyǵaryldy. Bul qylmystyq isti QMA Almaty qalasy boiynsha departamenti tergedi.
Almaty qalasy ákimdiginiń qaýlysymen ýaqytsha paidalaný quqyǵy negizinde "Almaty" áleýmettik-kásipkerlik korporatsiiasy" AQ-ǵa Jýkov kóshesi, 67-ýchaske (2,3 ga) jáne Jamakaev kóshesi, 77-ýchaske (6,3 ga) mekenjailarynda ornalasqan jer telimderi 5 jyl merzimge berilgen. Buryn "Azamattarǵa arnalǵan úkimet" kommertsiialyq emes aktsionerlik qoǵamynyń qyzmetkeri bolyp jumys istegen Ábdijaparov jyljymaityn múlikti tirkeý júiesi qalai jumys isteitinin bilip, ýákiletti organdarǵa jer telimderin ýaqytsha paidalanýdan bas tartý týraly jalǵan kelisimder men jer telimderi jeke menshikke berildi degen jalǵan ákimdik qaýlylaryn tapsyrǵan.
Alaida is júzinde mundai qaýlylardy ákimdik shyǵarmaǵan. Osynyń nátijesinde ol bul jer telimderin zańsyz túrde óziniń "Aisha Grýpp" JShS-niń atyna qaita tirkegen. Keiin bul jer telimderin úshinshi tulǵalarǵa 1,3 mlrd teńgege satyp jibergen.
Sot sanktsiiasymen naryqtaǵy quny 13,6 mlrd teńge bolatyn jer telimderine tyiym salyndy.
Sot úkimimen Ábdijaparov QR Qylmystyq kodeksiniń 190-baby 4-bóligi 2-tarmaǵy (iri mólsherdegi alaiaqtyq) boiynsha kináli dep tanylyp, oǵan 7 jyl bas bostandyǵynan aiyrý jazasy taǵaiyndaldy.
Jer telimderi memleket menshigine qaitaryldy, olardyń aýmaǵynda innovatsiialyq hab salý josparlanyp otyr. Sot úkimi zańdy kúshine endi.
