Túrkistan oblysynyń ákimi Darhan Satybaldy barlyq quzyrly organ basshalyrynyń basyn qosyp, óńirdiń seismikalyq qaýipsizdik máselelerine bailanysty jiyn ótkizdi. Ákim jaýapty sala basshylaryna bul baǵyttaǵy jumystardy kúsheitý týraly naqty tapsyrmalar berdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
TJD bastyǵy Asqar Tóleshevtiń baiandaýynsha, qazirgi tańda Tótenshe jaǵdailar ministrligi tarapynan jer silkinisi bolǵan jaǵdaida is-áreket algoritmine Almatydaǵy oryn alǵan jaǵdaidy eskere otyryp, ózgeris engizýde.
Atalǵan algoritmge sáikes oblystyń jer silkinisi bolǵan jaǵdaida is-áreket algoritmi ázirlenip, bekitiledi. Túrkistan oblysy seismikalyq qaýipti óńirler qatarynda. Bul esep respýblika deńgeiinde ázirlenip seismikalyq aýdandastyrý kartasyna sáikes negizdelgen.
Jiynda zilzala qaýpi joǵary taýly aimaqtarda apattan qorǵaný boiynsha jumystardy muqiiat qaita qaraý jaily aityldy.
– Aityp kelmeitin apatqa árkez daiyn bolýymyz kerek. Jer silkinisine arnalǵan oqý-jattyǵýdyń mańyzy zor. Sondyqtan dál osy máselege asa mán berip, jattyǵýlardy jii ótkizip turý qajet. Qulaqtandyrý júielerin qaita qarap, naqty qajettilikke beiimdeý shart. Naqty aqparattyń ár adamǵa der kezinde jetýin qamtamasyz etý máselesin kúsheitý kerek, – dedi Túrkistan oblysynyń ákimi Darhan Satybaldy.
Jer silkinisi kezinde is-áreket algoritmi bolýy kerek. Jiynda halyqqa jer silkinisi bolǵan jaǵdaida qalai qimyldaý kerek ekenin úiretý boiynsha jumystardy kúsheitý joldary aityldy.
Búginge oblysta jer silkinisin anyqtaityn 4 seismostantsiia jumys isteidi. Olar Báidibek, Túlkibas, Jetisai jáne Tólebi aýdandarynda ornalasqan. Departamentpen oblystaǵy kópqabatty ǵimarattardyń jaǵdaiyna turaqty monitoring júrgizilýde.
2023 jyly Túrkistan oblysynyń ákimi Darhan Satybaldynyń tapsyrmasymen Tótenshe jaǵdailar departamentiniń materialdyq-tehnikalyq bazasy nyǵaityldy.
– Qazirgi tańda, ár bir oblystyń aýmaǵynda jer silkinisiniń naqty qaýiptiligin anyqtaý úshin seismikalyq aýdandastyrý kartasyn ázirleý qajettiligi týyndaýda. Oblys halqyn der kezinde qulaqtandyrý júiesi qalypty túrde jumys atqarady.
Ózińizdiń ótken jyldaǵy tapsyrmańyzǵa sáikes sirenalyq sóileý qurylysyn alýǵa usynys berildi. Sondai-aq telearnalar men radio tolqyndaryn ustap qalý arqyly halyqty qulaqtandyrý men jiyntyq basqarý júieleri jańartylady. Sý qoimalaryna jaqyn mańda ornalasqan aýyldardaǵy qulaqtandyrý júieleri de jańartylady. Oblystyń jer silkinisiniń saldaryn joiý jospary ázirlenip, ministrlikke kelisimge joldanǵan, – dedi TJD bastyǵy.
Túrkistan oblysynyń 2023 jylǵa arnalǵan halyqty jáne mamandardy azamattyq qorǵaý salasynda oqytý josparyna sáikes oqý kýrstary, 4,5 myńǵa jýyq seismikalyq oqý-jattyǵýlardy ótkizilgen. Jumystar ári qarai jalǵasady. Tótenshe jaǵdailar departamenti tarapynan mektep oqýshylaryn tótenshe jaǵdailar kezindegi is-áreketterge úiretý maqsatynda 53 myńnan astam qatysýshyny qamti otyryp, 402 interaktivti sabaqtar júrgizildi.
Qaýipsizdik mádenietin erte jastan bastap qalyptastyrý asa mańyzdy. Óitkeni turǵyndardyń eresek tobyna jetkizý biraz qiyndyq týdyrady. Mundai sharany aldaǵy ýaqytta jii ótkizý josparlanýda. Ár mektepte tótenshe jaǵdailar jónindegi ministrler jumys isteidi. Olarmen beine jáne oflain túrinde túrli kezdesýler ótkiziledi. Ótken jyldyń ishinde oblys ortalyǵyndaǵy memlekettik mekemelerde jer silkinisi kezindegi is-áreketter týraly túsindirme jumystar júrgizildi.
1 naýryz azamattyq qorǵanys kúnine orai respýblikalyq jer silkinisi boiynsha oqý-jattyǵý ótkizilý josparlanýda.
