Renjigeni óz aldyna: "Depýtattarǵa syn aitqanǵa shebersizder, onda men sizderge bir saýal qoiaiyn: Olardy kim sailady? Sailaýshylar sailady emes pe?" dep qoiyp qalǵan.
Zańger Johar Ótebekov Áitimovanyń qalai "sailanǵanyn" aityp beripti. Bul týraly ol óziniń áleýmettik jelidegi paraqshasynda jazdy.
"Men sizderge mynany aitaiyn. Dál osy Áitimovany eshkim sailaǵan joq.
Ata zań boiynsha bizde 47 senator bar. Sonyń 15-in tikelei Nazarbaev taǵaiyndaǵan. Álgi Áitimova prezident taǵaiyndaǵan senatorlardyń sapynda. Ol sailanǵan emes, taǵaiyndalǵan adam.
Ózge senatorlardy da halyq sailady degenge sene qoiý qiyn. Olardy AP-dan (Prezident ákimshiligi) irikteidi, súzgiden ótkizedi. Bul siz ben bizge aitylmaityn qupiia.
Májilis múshelerin de biz sailaǵan joqpyz, belgilisi. Bulardyń barlyǵy partiialyq tizim boiynsha aldyn-ala tańdalyp alynǵandar, bekitilip qoiǵandar. Bizdiń daýsymyz olardyń Májiliske barar-barmasyna áser etedi dep oilasańyz, endeshe siz álemdegi eń ańqaý adamsyz.
Munysy óz aldyna tómengi palatada anyǵynda, Qazaqstanǵa túk qatysy joq, Assambleia sapynan iriktelgen alynǵan, ne tyndyryp otyrǵany belgisiz taǵy bir top bar. Mundai Májilis álemniń ózin-ózin syilaityn birde-bir elinde joq. Mundai depýtattar bizdi damytpaidy, kerisinshe qurdymǵa ketiredi.
Qysqasy, sol. Olardyń sózi úshin biz qyzarmai-aq qoialyq. Báribir uqpaidy. Belgilisi, biz olardyń birde-bireýin sailaǵan da, tańdaǵan da joqpyz.
Aýdarǵan, Dýman BYQAI
