Quqyq qorǵaýshy Aitbek Amangeldi Talǵardaǵy tóbeleste qaza tapqan jasóspirimniń otbasyna tegin advokattar berýdi uiymdastyryp berdi, - dep habarlaidy Dalanews.kz Alash.kz ulttyq portalyna siltep.
“Biz otbasyǵa tegin qyzmet kórsetýge kelisken úsh advokatty usyndyq. Qazirgi ýaqytta tergeý júrgizilýde, advokattar quqyq qorǵaý organdarymen birge zardap shekkenderden suraq-jaýap alýda. Is boiynsha birqatar saraptamalar taǵaiyndaldy. Janjal kezinde jigittiń ákesi men aǵasy da zardap shekken”, – dedi Amangeldi.
Otbasyna Asqar Qaimaqov, Karina Kósherbaeva jáne Maral Jailaýbaeva esimdi advokattar kómek kórsetýde. Iske quqyq qorǵaýshy Saida Táýekelova da qosyldy. Ol oqiǵanyń kýágerlerin quqyq qorǵaý organdarymen yntymaqtastyqqa shaqyrdy.
Eske salaiyq, buǵan deiin Ishki ister ministri Erjan Sádenov oqiǵaǵa qatysty pikir bildirgen edi.
“Almaty oblysynyń Talǵar aýdanynda oryn alǵan kámeletke tolmaǵan balanyń ólimine qatysty mán-jailar meniń jeke baqylaýymda. Oqiǵa ornynda birinshi orynbasarymnyń basshylyǵymen IIM qyzmetkerlerinen quralǵan top jumys isteýde. Kináliler tiisti jazasyn alady”, - dedi ol.
Almaty oblysynyń politsiia departamenti kámeletke tolmaǵan balany óltirý faktisi boiynsha qylmystyq is qozǵady.
Resmi aqparatqa súiensek, barlyq kináli adam ustalyp, ýaqytsha ustaý izoliatoryna qamaýǵa alynǵan.
“Qylmystyq isti tergeý Ishki ister ministrliginiń erekshe baqylaýyna alynyp, onyń nusqaýy boiynsha arnaiy jedel-tergeý top jumys atqarýda. Barlyq jinalǵan dálelder, sonyń ishinde beinebaqylaý kameralarynan alynǵan jazbalar zerttelýde. Qazirgi ýaqytta jeti adamnyń qylmys jasaýǵa qatysy bar ekeni anyqtaldy”, - deidi Almaty oblysynyń politsiia departamenti.
Málimetke sáikes, jábirlenýshi taraptyń dálelderi boiynsha basqa tulǵalardyń qatysyn anyqtaý úshin tergeý sheńberinde tekserý júrgizilýde.
“Árqaisyna jeke quqyqtyq baǵa beriletin bolady. Qaitys bolǵan jasóspirimniń zańdy ókilderi tergeý barysy týraly habarlanyp jatyr. Tergeý múddesi úshin ózge de aqparat jariia etýge jatpaidy”, - dep málimdedi politsiia ókilderi.
