Jýrnalist Gúljan Erǵalieva Aisultan Nazarbaevtyń shyǵý tegi jóninde buryn kópshilikke beimálim bolǵan jaittardy aitty, dep habarlaidy Dalanews.kz.
Onyń aitýynsha, dál osy derekkózder arqyly Aisultannyń Dariǵa Nazarbaevadan emes, basqa áielden týǵany belgili bolǵan. Jýrnalistiń aitýynsha, ol áieldiń aty-jóni esh jerde atala bermeidi, tek onyń ómirden ótkeni aitylady.
Bul aqparattan keiin Nursultan Nazarbaevtyń ne sebepti Rahat Álievpen de, bilikke sońyna deiin jabysyp qalǵan úlken qyzymen de til tabysa almaǵany aiqynyraq bola túsken.
Aisultan bul qupiiany ózi de bir aýyz sózben ashyp bergen. Ol bir sózinde:
«Men onyń uly bolǵanym úshin, anam atamdy ilgekke ilip ustap otyrdy», – degen.
Gúljan Erǵalievanyń paiymdaýynsha, dál osy jait Dariǵa Nazarbaeva men Rahat Álievtiń sol kezdegi prezidentke nege sonshalyqty zor yqpal etkenin túsindiredi. Sondai-aq olardyń prezidenttik bilikti ózderine zańdy túrde tiesili dep sanaýynyń da sebebi osy bolǵan.
Jýrnalist bul úderisterdiń barlyǵy qoǵam kóz aldynda ótkenin, al sol kezeńdegi saiasi ahýaldy jurtshylyqtyń ózi-aq jaqsy baqylaǵanyn atap ótti.
