– «Áıelderge jánnatqa barý ońaı, kúıeýiniń razylyǵyn alsa boldy» dep jatady. Al, Sizderge erkektiń kóńilin tabý op-ońaı dep kim aıtty?! Onyń qabaǵyna qarap, tamaǵyn daıyndaısyz, kıimin jýyp, útikteısiz, 9 aı 10 kún kóterip urpaǵyn dúnıege ákelesiz, jumystan sharshap kelgende balalardy shýlatpaı dıvanda jatyp demalýyna múmkindik jasaısyz, bir jaqqa ketetin bolsa kıim keshegin daıyndap, tazalap shyǵaryp salasyz. Úıge kelgende tamaq sál kesh daıyn bop qalsa bitti, onyń qabaǵy ashylmaı,
«keshke deıin ne bitiresiń osy» dep ókpeleıdi de qalady…
Biraq olardyn razylyǵyn almasań taǵy bolmaıdy, – dep bastady sózin tanymal aqyn.
Budan keıin, Tursynbaeva áıeldiń kóńilin tabý úshin qandaı amal jasaý kerektigin aıtty.
– Ol úshin ne isteý kerek?! Eshteńe istemeı-aq qoıyńyz…(Úı sharýasyna aralaspańyz, as bólmege kirmeseńiz de bolady, áıelder jaǵalasa bergen erkekti jaqtyrmaıdy negizi) Tek, úıge kúlimdep kirip «janym, seni jar qylyp alǵan men qandaı baqyttymyn» deseńiz boldy ǵoı. Áıel baıqus máz bolyp shapqylaı beredi. Al endi qolyńyzda bir tal gúl bolsa… Onda osynaý jerdiń betinde Sizdiń jaryńyzdan baqytty adam joq! Ońaı ǵoı ıá, jigitter? – dep túıindedi sózin Tursynbaeva.
