Bul týraly Marat Bashimov Facebook-tegi paraqshasynda jazdy.
"1 qyrkúiekten bastap 2020 jyldyń sońyna deiin balalardy mektepke jibermeý kerek! Ótkende ǵana nendei sumdyq jaǵdai bolǵanyn umytyp ketken aramyzda lobbister bar bolyp shyqty. Shynyn aitqanda, áli kúnge deiin qansha adam ólgenin naqty bilmeimiz. Kóbisi o dúnielik boldy, ómirden ozdy. Osy FB-nyń beti kóńil aitýǵa tolyp ketti emes pe?..
Endi túk bolmaǵandai, sol jurt "bilim alsyn" dep óz balalaryn mektepke aparyp tyqqysy keledi. Bul baryp turǵan "aqymaqtyq" qoi.
Túrli jolmen Bilim ministrligine qysym jasap jatyr. Mektepte alǵan bilim jaqsy, baqylaý da jaqsy bolady, oǵan qarsy eshkim daý aitpaidy. Qashyqtyqtan oqytý, ázirge dástúrli bilim berý júiesine básekelese almai tur. Biraq myna qiyn zamanda joqtan bar ǵoi, ol da. Bul arada másele durys qoiylyp jatqan joq, negizi.
1. Birinshi orynda – óz balańyzdyń densaýlyǵy bolýy kerek. Aýyryp qalyp, ólip ketpes úshin solai etý qajet. Qudai betin ári qylsyn, qaýipke tigip alǵan bilimnen ne paida ózi?
2. Qazaqstanda qazirdiń ózinde 17 jasqa deiingi kishkentai balalar arasynda Kavasaki sindromy anyqtalyp jatyr. Bul - balalardaǵy koronavirýs infektsiiasyn juqtyryp, aýyr júrip jatqanynyń kórinisi.
3. Ulttyq qaýipsizdik týraly zańda birinshi kezekte halyqtyń densaýlyǵyn qorǵaý, iaǵni balalardyń densaýlyǵy birinshi orynda turady.
4. Konstitýtsiiada da solai. 39-bapta adamnyń quqyqtary men bostandyqtaryn memleket ulttyq qaýipsizdikti (densaýlyq) qamtamasyz etý, azamattardyń quqyqtaryn qorǵaý úshin (bul jerde jáne densaýlyqty saqtaý úshin) jáne densaýlyqty saqtaý maqsatynda tikelei shekteýge bolatyndyǵy týraly naqty aitylǵan.
Demek, bilim alý, biznes jasaý jáne basqa barlyq quqyqtar ekinshi orynda turady.
5. Jaraidy, karantin alynyp tastaldy. Ne boldy al, eshteńe ózgergen joq. Eshkim sanitarlyq talapty saqtap júrgen joq... Kósheler, dúkender, kólikter adamdarǵa toly, maska taǵý degen jaiyna qalǵan. Kóshede jáne barlyq jerde adamdar bir-birine tónip, betine qarap dem alyp turady.
6. Keibir Eýropa elderi aldymen bizneske jumys isteýge múmkindik berdi, biraq qazir olardy qaita jabýda.
7. Densaýlyq saqtaý ministri Aleksei Tsoi keshe "Atamekenge" arada sanitarlyq erejelerdi saqtaý týraly kelisimniń baryn eske saldy. Keshe birinshi kúni-aq kóp nárse bilinip qaldy, aqshaǵa qunyqqan keibireýler norma-formany pysqyryp jatqan joq.
8. Kúz ailary da kelip jetti, kún sýytqanda aýrýlar asqynyp, koronavirýstyń ekinshi tolqyny bastalatynyn barlyǵy ishtei sezip otyr. Eger eresekterdiń ózi qoǵamdyq oryndarda betperde taǵý, áleýmettik qashyqtyqty saqtaý talaptaryn oryndamasa, balalar týraly ne aitýǵa bolady?.. Balalar 2 metr qashyqtyqty saqtaidy, taǵysyn taǵy dese, oǵan kim senedi?
Bul tek lobbisterdiń aýzynan shyǵatyn ertegi ekeni túsinikti shyǵar.
9. Sondyqtan, 1 qyrkúiekten bastap 2020 jyldyń sońyna deiin balalarǵa mektepke barýǵa tyiym salý kerek!".
