بۇل تۋرالى مارات باشيموۆ Facebook-تەگٸ پاراقشاسىندا جازدى.
"1 قىركٷيەكتەن باستاپ 2020 جىلدىڭ سوڭىنا دەيٸن بالالاردى مەكتەپكە جٸبەرمەۋ كەرەك! ٶتكەندە عانا نەندەي سۇمدىق جاعداي بولعانىن ۇمىتىپ كەتكەن ارامىزدا لوببيستەر بار بولىپ شىقتى. شىنىن ايتقاندا, ەلٸ كٷنگە دەيٸن قانشا ادام ٶلگەنٸن ناقتى بٸلمەيمٸز. كٶبٸسٸ و دٷنيەلٸك بولدى, ٶمٸردەن وزدى. وسى فب-نىڭ بەتٸ كٶڭٸل ايتۋعا تولىپ كەتتٸ ەمەس پە?..
ەندٸ تٷك بولماعانداي, سول جۇرت "بٸلٸم السىن" دەپ ٶز بالالارىن مەكتەپكە اپارىپ تىققىسى كەلەدٸ. بۇل بارىپ تۇرعان "اقىماقتىق" قوي.
تٷرلٸ جولمەن بٸلٸم مينيسترلٸگٸنە قىسىم جاساپ جاتىر. مەكتەپتە العان بٸلٸم جاقسى, باقىلاۋ دا جاقسى بولادى, وعان قارسى ەشكٸم داۋ ايتپايدى. قاشىقتىقتان وقىتۋ, ەزٸرگە دەستٷرلٸ بٸلٸم بەرۋ جٷيەسٸنە بەسەكەلەسە الماي تۇر. بٸراق مىنا قيىن زاماندا جوقتان بار عوي, ول دا. بۇل ارادا مەسەلە دۇرىس قويىلىپ جاتقان جوق, نەگٸزٸ.
1. بٸرٸنشٸ ورىندا – ٶز بالاڭىزدىڭ دەنساۋلىعى بولۋى كەرەك. اۋىرىپ قالىپ, ٶلٸپ كەتپەس ٷشٸن سولاي ەتۋ قاجەت. قۇداي بەتٸن ەرٸ قىلسىن, قاۋٸپكە تٸگٸپ العان بٸلٸمنەن نە پايدا ٶزٸ?
2. قازاقستاندا قازٸردٸڭ ٶزٸندە 17 جاسقا دەيٸنگٸ كٸشكەنتاي بالالار اراسىندا كاۆاساكي سيندرومى انىقتالىپ جاتىر. بۇل - بالالارداعى كوروناۆيرۋس ينفەكتسيياسىن جۇقتىرىپ, اۋىر جٷرٸپ جاتقانىنىڭ كٶرٸنٸسٸ.
3. ۇلتتىق قاۋٸپسٸزدٸك تۋرالى زاڭدا بٸرٸنشٸ كەزەكتە حالىقتىڭ دەنساۋلىعىن قورعاۋ, ياعني بالالاردىڭ دەنساۋلىعى بٸرٸنشٸ ورىندا تۇرادى.
4. كونستيتۋتسييادا دا سولاي. 39-باپتا ادامنىڭ قۇقىقتارى مەن بوستاندىقتارىن مەملەكەت ۇلتتىق قاۋٸپسٸزدٸكتٸ (دەنساۋلىق) قامتاماسىز ەتۋ, ازاماتتاردىڭ قۇقىقتارىن قورعاۋ ٷشٸن (بۇل جەردە جەنە دەنساۋلىقتى ساقتاۋ ٷشٸن) جەنە دەنساۋلىقتى ساقتاۋ ماقساتىندا تٸكەلەي شەكتەۋگە بولاتىندىعى تۋرالى ناقتى ايتىلعان.
دەمەك, بٸلٸم الۋ, بيزنەس جاساۋ جەنە باسقا بارلىق قۇقىقتار ەكٸنشٸ ورىندا تۇرادى.
5. جارايدى, كارانتين الىنىپ تاستالدى. نە بولدى ال, ەشتەڭە ٶزگەرگەن جوق. ەشكٸم سانيتارلىق تالاپتى ساقتاپ جٷرگەن جوق... كٶشەلەر, دٷكەندەر, كٶلٸكتەر ادامدارعا تولى, ماسكا تاعۋ دەگەن جايىنا قالعان. كٶشەدە جەنە بارلىق جەردە ادامدار بٸر-بٸرٸنە تٶنٸپ, بەتٸنە قاراپ دەم الىپ تۇرادى.
6. كەيبٸر ەۋروپا ەلدەرٸ الدىمەن بيزنەسكە جۇمىس ٸستەۋگە مٷمكٸندٸك بەردٸ, بٸراق قازٸر ولاردى قايتا جابۋدا.
7. دەنساۋلىق ساقتاۋ مينيسترٸ الەكسەي تسوي كەشە "اتامەكەنگە" ارادا سانيتارلىق ەرەجەلەردٸ ساقتاۋ تۋرالى كەلٸسٸمنٸڭ بارىن ەسكە سالدى. كەشە بٸرٸنشٸ كٷنٸ-اق كٶپ نەرسە بٸلٸنٸپ قالدى, اقشاعا قۇنىققان كەيبٸرەۋلەر نورما-فورمانى پىسقىرىپ جاتقان جوق.
8. كٷز ايلارى دا كەلٸپ جەتتٸ, كٷن سۋىتقاندا اۋرۋلار اسقىنىپ, كوروناۆيرۋستىڭ ەكٸنشٸ تولقىنى باستالاتىنىن بارلىعى ٸشتەي سەزٸپ وتىر. ەگەر ەرەسەكتەردٸڭ ٶزٸ قوعامدىق ورىنداردا بەتپەردە تاعۋ, ەلەۋمەتتٸك قاشىقتىقتى ساقتاۋ تالاپتارىن ورىنداماسا, بالالار تۋرالى نە ايتۋعا بولادى?.. بالالار 2 مەتر قاشىقتىقتى ساقتايدى, تاعىسىن تاعى دەسە, وعان كٸم سەنەدٸ?
بۇل تەك لوببيستەردٸڭ اۋزىنان شىعاتىن ەرتەگٸ ەكەنٸ تٷسٸنٸكتٸ شىعار.
9. سوندىقتان, 1 قىركٷيەكتەن باستاپ 2020 جىلدىڭ سوڭىنا دەيٸن بالالارعا مەكتەپكە بارۋعا تىيىم سالۋ كەرەك!".
