2023 jyldan bastap úsh aýysymdy mektepterden basqa mekteptiń barlyǵy bes kúndik oqý formatyna kóshedi. Oqý-aǵartý ministri Ashat Aimaǵambetov respýblikalyq tamyz konferentsiiasynda osylai dep málimdedi. Onyń sózinen Informbiýro saity úzindi keltiredi.
"Kelesi jyldan bastap úsh aýysymdy mektepterden basqa mekteptiń bárin bes kúndik oqý formatyna kóshirý týraly sheshim qabyldadyq. Bul mektep direktorlaryna, ustazdarǵa, mekteptiń barlyq qyzmetkerlerine qatysty. Bizdiń oiymyzsha, senbi kúni ustazdar demalýy kerek, balalarymen birge bolýy kerek. "Bul eńbek demalysynyń aqysyna áser ete me?" degen saýal týyndaýy zańdy. Bul eńbek demalysynyń aqysyna áser etpeitin bolady", – dep málimdedi ministr.
Onyń aitýynsha, bul ózgeris eńbek demalysynyń uzaqtyǵyna da áser etpeidi. Eńbek demalysy burynǵysha 56 kún bolyp qalady.
Ministr sóz arasynda mektep direktorlaryn muǵalimderdi senbi kúni jumysqa shaqyrmaýyn eskertken.
"Sondai-aq direktorlarǵa da ótinishimiz bar. Biz tiisti buiryqty qabyldadyq. Kei áriptesterimiz senbi kúnin ádistemelik kún retinde ótkizýge nemese pedagogtarymyzdy jumysqa shaqyrýǵa talpynyp júr. Bul tájiribeni toqtatý kerek. Barlyq pedagog, mektep bes kún jumys isteýi kerek. Mektepke deiingi bilim berý uiymdary men bilim bólimderi sekildi", – dedi ministr.
Resmi málimet boiynsha, Qazaqstanda 3,5 mln oqýshy bar. Orta bilim beretin 7,5 myń mektep bar. Onda 369 myń muǵalim isteidi. Birneshe jyl burynǵy statistikada elde úsh aýysymda oqityn 127 mektep bary aitylǵan.
https://dalanews.kz/news/80451-zhasyl-yekonomika-qazaqstanda-zhelding-q
https://dalanews.kz/news/80405-2025-zhyly-qazaqstandagy-zhasyl-yenergiiany
https://dalanews.kz/kogam/80522-zhastar-rukhy-zhastarga-arnalgan-alga
