"كەلەسى جىلدان باستاپ ءۇش اۋىسىمدى مەكتەپتەردەن باسقا مەكتەپتىڭ ءبارىن بەس كۇندىك وقۋ فورماتىنا كوشىرۋ تۋرالى شەشىم قابىلدادىق. بۇل مەكتەپ ديرەكتورلارىنا، ۇستازدارعا، مەكتەپتىڭ بارلىق قىزمەتكەرلەرىنە قاتىستى. ءبىزدىڭ ويىمىزشا، سەنبى كۇنى ۇستازدار دەمالۋى كەرەك، بالالارىمەن بىرگە بولۋى كەرەك. "بۇل ەڭبەك دەمالىسىنىڭ اقىسىنا اسەر ەتە مە؟" دەگەن ساۋال تۋىنداۋى زاڭدى. بۇل ەڭبەك دەمالىسىنىڭ اقىسىنا اسەر ەتپەيتىن بولادى"، – دەپ مالىمدەدى مينيستر.

ونىڭ ايتۋىنشا، بۇل وزگەرىس ەڭبەك دەمالىسىنىڭ ۇزاقتىعىنا دا اسەر ەتپەيدى. ەڭبەك دەمالىسى بۇرىنعىشا 56 كۇن بولىپ قالادى.

مينيستر ءسوز اراسىندا مەكتەپ ديرەكتورلارىن مۇعالىمدەردى سەنبى كۇنى جۇمىسقا شاقىرماۋىن ەسكەرتكەن.

"سونداي-اق ديرەكتورلارعا دا ءوتىنىشىمىز بار. ءبىز ءتيىستى بۇيرىقتى قابىلدادىق. كەي ارىپتەستەرىمىز سەنبى كۇنىن ادىستەمەلىك كۇن رەتىندە وتكىزۋگە نەمەسە پەداگوگتارىمىزدى جۇمىسقا شاقىرۋعا تالپىنىپ ءجۇر. بۇل تاجىريبەنى توقتاتۋ كەرەك. بارلىق پەداگوگ، مەكتەپ بەس كۇن جۇمىس ىستەۋى كەرەك. مەكتەپكە دەيىنگى ءبىلىم بەرۋ ۇيىمدارى مەن ءبىلىم بولىمدەرى سەكىلدى"، – دەدى مينيستر.

رەسمي مالىمەت بويىنشا، قازاقستاندا 3،5 ملن وقۋشى بار. ورتا ءبىلىم بەرەتىن 7،5 مىڭ مەكتەپ بار. وندا 369 مىڭ ءمۇعالىم ىستەيدى. بىرنەشە جىل بۇرىنعى ستاتيستيكادا ەلدە ءۇش اۋىسىمدا وقيتىن 127 مەكتەپ بارى ايتىلعان.

https://dalanews.kz/news/80451-zhasyl-yekonomika-qazaqstanda-zhelding-q

https://dalanews.kz/news/80405-2025-zhyly-qazaqstandagy-zhasyl-yenergiiany

https://dalanews.kz/kogam/80522-zhastar-rukhy-zhastarga-arnalgan-alga