Bilim ministrligi baspasóz qyzmetiniń aqparatyna sáikes, joǵary oqý ornynda profilaktikalyq baqylaý júrgizilgen. Nátijesinde tekserý paraǵynyń 46 tarmaǵynan 39 tarmaǵy boiynsha zańbuzýshylyq anyqtalǵan.
Ýniversitetke olardy joiýǵa ýaqyt berildi, biraq joǵary oqý orny bilim berý qyzmetiniń sapasyn jaqsartý úshin qajetti jumys júrgizbegen.
"Shet tilder jáne iskerlik karera ýniversitetinde bilim berý sapasyn qamtamasyz etýdiń ishki júiesi qalyptaspaǵan. Bilim berý baǵdarlamalaryn, jeke oqý josparlaryn taldaý belgili bir pánder boiynsha kreditterdi igerýde úlken aiyrmashylyqtardy kórsetti. Tiisinshe, bilim alýshylar pánderdi tolyq kólemde meńgermeidi. Oqytý nátijeleri boiynsha stýdentterdiń 90%-i shekti deńgeiden óte almady", – dedi BǴM bilim jáne ǵylym salasyndaǵy sapany qamtamasyz etý komitetiniń basqarma basshysy Elvira Saparbekova.
Aitýynsha, oqý protsesinde tipti eń tómengi belgilengen talaptarǵa sáikes kelmeitin eskirgen kompiýterler qoldanylǵan.
Beiindik magistratýra túlegine ǵylymi-pedagogikalyq baǵyttaǵy magistr dárejesin berý boiynsha da zańbuzýshylyqtar anyqtaldy. Memlekettik attestattaý komissiiasynyń sheshimimen bir jyldyq magistratýra túlegine eki jyldyq magistr dárejesi berilgen.
Komitet anyqtalǵan zańbuzýshylyqtarǵa bailanysty Shet tilder jáne iskerlik karera ýniversiteti litsenziiasynyń qoldanylýyn toqtatty. Budan ári bas litsenziiadan aiyrý jáne joǵary oqý ornyn jabý boiynsha jumys júrgiziledi.
Zańnamaǵa sáikes, litsenziianyń kúshi toqtatylǵan jaǵdaida, stýdentter basqa joǵary oqý oryndaryna aýysa alady. Ministrlik talapkerlerden joǵary oqý oryndaryn tańdaýǵa jaýapkershilikpen qaraýdy surady.
Aita ketelik, buǵan deiin Bilim jáne ǵylym ministri Ashat Aimaǵambetov sapasyz ýniversitetter jabylady dep málimdegen.
Vedomstvo basshysynyń aitýynsha, joǵary oqý oryndaryna erekshe talap qoiylady. Ýniversitetterde sybailas jemqorlyq faktisi tirkelse, kadr daiyndaý litsenziiasynan aiyrylady.
"Joǵary bilimniń sapasyn arttyrý úshin pedagogtardy, dárigerlerdi, zańgerler men sáýletshilerdi daiarlaityn ýniversitetterge erekshe bilik talabyn engizemiz. Buǵan qosa akademiialyq adaldyqty buzǵany jáne sybailas jemqorlyq quqyq buzýshylyqtary úshin litsenziiadan aiyrýǵa deiin jaýapkershilik normativtik quqyqtarǵa bekitýdi daiyndadyq. Sapasyz joǵary oqý oryndaryn jabý jumysyn ary qarai jalǵastyramyz", – degen edi ministr Úkimet otyrysynda.
