Endi jekemenshik mektepke kimniń esimi beriletinin onomastıkalyq komısıa sheshedi. Bul týraly depýtat Ashat Aımaǵambetov aıtty, dep habarlaıdy Dalanews.kz. 

"Zań jobasynyń mańyzdy baǵyttarynyń biri jekemenshik bilim berý uıymdaryna tulǵalardyń esimin berý jáne ony ózgertý prosesin onomastıkalyq komısıamen kelisim tártibin engizý. Sońǵy jyldary, ózderińizge belgili, jekemenshik bilim berý uıymdarynyń sany kóbeıdi. Sáıkesinshe olarǵa túrli tulǵalardyń esimin eshqandaı resmı kelisimsiz berý jıilep ketti. Keıbir oqıǵalar qoǵamda rezonans týdyrǵan bolatyn.

Endi jekemenshik bilim berý uıymdary tulǵalardyń esimin bermes buryn, oblystyq onomastıkalyq komısıanyń resmı maquldaýyn alýǵa mindetti bolady. Iaǵnı olar memlekettik bilim berý uıymdary sıaqty onomastıkalyq rásimderden ótedi, deıdi Aımaǵambetov májilistiń jalpy otyrysynda.