– Kodeks izgilendirýge baǵyttalǵan. Osy oraıda Kodeksti qatańdatýdy kózdeıtin eshbir túzetý eskerilmegen. Máselen, múgedekterge arnalǵan orynǵa toqtaǵany úshin 50 AEK eskerilgen, ıaǵnı 110 myń teńgeden astam. Ony kem degende eki esege azaıtý usynylýda. Qosymsha qarastyryp, budan da artyq qysqartýymyz múmkin. Ázirge, osy usynys qabyldandy, – dedi qoǵamdyq tyńdaýlar barysynda Qazaqstan Respýblıkasy zańnama ınstıtýtynyń dırektory Aslan Túkıev.
Aıyppul somasyn tómendetýmen qatar, bir jolǵa eskertý sharasyn engizý usynylýda. Tek eskertýden keıin ǵana ákimshilik aıyppul salynatyn bolady.
QR Ádilet mınıstrligi zańnama departamentiniń dırektory Darhan Igembaev Kodeks 1700-den astam quqyq buzýshylyqty qarastyratynyn atap ótti.
– Biz olardyń barlyǵyn taldap shyqtyq. 300-ge tarta bap boıynsha ózgertýler oryn alady. Naqtyraq aıtqanda, 150-den astam bapta aıyppuldy azaıtý eskerilgen. Osy másele búginde talqylanyp jatyr. Eskertý sharasyn engizý 100-ge jýyq bapta usynyldy, – dedi ol. Belgili bolǵandaı, ózgertýler 2018 jyly engizilýi múmkin.
Derekkózi: Qazaqparat
