– Men kerisinshe, aqsha úshin egde jastaǵy adamǵa shyqpaımyn, toqal bolmaımyn dep aıttym. Bul baryp turǵan soraqylyq, – deıdi Imanbaeva.
Aktrısa jalpy toqal alý máselesin quptamaıtynyn túsindirdi.
– Bizdiń azamattar oǵan daıyn emes. Olar – sýjúrek, bárinen qorqady. «Meniń úsh áıelim bar» dep aýyzben maqtanady. Al shyn máninde ekinshi ne úshinshi áıeli tasada qalyp qoıady, shet jaqta balasyn týady, birinshi áıeli olardyń bar ekenin de bilmeıdi.
Toqaldar adam uqsap eshqaıda bara almaıdy, tek tyǵylyp ómir súredi.
Ondaıdy aınalamnan, óz tanystarymnan kórip júrmin. Jalpy bulaı bireýdiń toqaly bolýdyń, turmysqa shyǵýdyń ne qajeti bar ekenin bilmeımin. Eger ol toqaly týraly báıbishesi, balalary bilmese? Áıelder mundaı nekege qalaı kelisim beredi, túsinbeımin, – deıdi Aıgúl.
