Áigerim Aǵyltaeva qorǵanys ministriniń kommýnikatsiialar jónindegi keńesshisi – resmi ókil bolyp taǵaiyndaldy, dep habarlaidy Dalanews.kz.
Áigerim Aǵyltaeva jýrnalistika salasyndaǵy kásibi bilimin Abylai han atyndaǵy Qazaq halyqaralyq qatynastar jáne álem tilderi ýniversitetinde jáne KIMEP ýniversitetinde (magistratýra) alǵan.
Ál-Farabi atyndaǵy Qazaq ulttyq ýniversitetin bitirip, saiasattaný ǵylymdarynyń magistri dárejesin ielengen. "Bolashaq" halyqaralyq stipendiiasy aiasynda Niý-Iork kinoakademiiasynda "Prodiýserlik" mamandyǵy boiynsha bilim alyp, AQSh-taǵy Djordjiia ýniversitetinde mýltimedialyq jýrnalistika baǵytynda taǵylymdamadan ótken.
Eńbek jolyn "KTK" telearnasynda tilshi bolyp bastaǵan. Ár jyldary "Qazaqstan" respýblikalyq teleradiokorporatsiiasynda telejúrgizýshi jáne redaktor, prodiýser, "31 arnada" baǵdarlamalyq menedjer, "Almaty" telearnasynyń bas redaktory - departament direktory, Qazaqstan Respýblikasy Prezidenti janyndaǵy Ortalyq kommýnikatsiialar qyzmetiniń moderatory, "Jetisý" telearnasy bas direktorynyń orynbasary, sondai-aq, Jetisý oblysy ákimi apparatynyń baspasóz hatshysy – baspasóz qyzmetiniń jetekshisi qyzmetterin atqarǵan.
