Áielin soqqyǵa jyqty dep aiyptalyp otyrǵan diplomatqa qatysty jańa derekter aityldy, - dep habarlaidy Dalanews.kz.
Ishki ister ministriniń orynbasary Igor Lepehanyń sózinshe, áieli zorlyq jasady dep aiyptaǵan qazaqstandyq diplomat Sáken Mamashqa qatysty is qozǵalǵan.
"Azaptaý deregi boiynsha is qozǵaldy. Onyń qazir qaida ekenin aita almaimyn. Materialdar saraptamaǵa jiberildi, saraptama nátijeleri boiynsha sheshim qabyldanady. Ázirge saraptama nátijelerin qaraý kerek, jaýap alyp, saýalnama júrgizý qajet", - dedi ol.
Buǵan deiin Astana politsiiasy kúieýi soqqyǵa jyqqanyn aitqan Karina Mamashtyń isine qatysty pikir bildirdi.
"Bul derek boiynsha qylmystyq is qozǵaldy. Saraptama taǵaiyndaldy, tergeý júrgizilip jatyr. Tergeý múddesi úshin ózge aqparat jariia etilmeidi", - dedi Astana politsiiasynyń baspasóz qyzmeti Tengrinews.kz-ke.
Aita keteiik, áielin urǵan degen kúdikke ilingen - diplomat Sáken Mamash. Ol Birikken Arab Ámirlikterindegi Qazaqstan elshiliginiń keńesshisi bolǵan.
Bul máseleni áleýmettik jelide "Ne molchi" qorynyń jetekshisi Dina Tańsári jariialaǵan edi. Ol Qazaqstannyń BAÁ-degi elshisiniń keńesshisi áielin uryp-soǵatynyn jazǵan bolatyn. Onyń aitýynsha, qazaqstandyq diplomat jubaiynyń ákpesine de qol kótergen.
