ايەلىن سوققىعا جىقتى دەپ ايىپتالىپ وتىرعان ديپلوماتقا قاتىستى جاڭا دەرەكتەر ايتىلدى، - دەپ حابارلايدى Dalanews.kz.
ىشكى ىستەر ءمينيسترىنىڭ ورىنباسارى يگور لەپەحانىڭ سوزىنشە، ايەلى زورلىق جاسادى دەپ ايىپتاعان قازاقستاندىق ديپلومات ساكەن ماماشقا قاتىستى ءىس قوزعالعان.
"ازاپتاۋ دەرەگى بويىنشا ءىس قوزعالدى. ونىڭ ءقازىر قايدا ەكەنىن ايتا المايمىن. ماتەريالدار ساراپتاماعا جىبەرىلدى، ساراپتاما ناتيجەلەرى بويىنشا شەشىم قابىلدانادى. ازىرگە ساراپتاما ناتيجەلەرىن قاراۋ كەرەك، جاۋاپ الىپ، ساۋالناما جۇرگىزۋ قاجەت"، - دەدى ول.
بۇعان دەيىن استانا پوليسياسى كۇيەۋى سوققىعا جىققانىن ايتقان كارينا ماماشتىڭ ىسىنە قاتىستى پىكىر ءبىلدىردى.
"بۇل دەرەك بويىنشا قىلمىستىق ءىس قوزعالدى. ساراپتاما تاعايىندالدى، تەرگەۋ جۇرگىزىلىپ جاتىر. تەرگەۋ مۇددەسى ءۇشىن وزگە اقپارات جاريا ەتىلمەيدى"، - دەدى استانا پوليسياسىنىڭ باسپا ءسوز قىزمەتى Tengrinews.kz-كە.
ايتا كەتەيىك، ايەلىن ۇرعان دەگەن كۇدىككە ىلىنگەن - ديپلومات ساكەن ماماش. ول بىرىككەن اراب امىرلىكتەرىندەگى قازاقستان ەلشىلىگىنىڭ كەڭەسشىسى بولعان.
بۇل ماسەلەنى الەۋمەتتىك جەلىدە "نە مولچي" قورىنىڭ جەتەكشىسى دينا ءتاڭسارى جاريالاعان ەدى. ول قازاقستاننىڭ باا-دەگى ەلشىسىنىڭ كەڭەسشىسى ايەلىن ۇرىپ-سوعاتىنىن جازعان بولاتىن. ونىڭ ايتۋىنشا، قازاقستاندىق ديپلومات جۇبايىنىڭ اكپەسىنە دە قول كوتەرگەن.
