Petropavlda bes balanyń anasy birneshe jyl boiy kúieýiniń zorlyq-zombylyǵyna ushyrap kelgen, dep habarlaidy Dalanews.kz.
Turmystyq zorlyq-zombylyq qurbanynyń týysy NeMolchiKZ eriktilerinen kómek surap, qazirgi ýaqytta otbasynyń eń kishi balasy týraly eshqandai aqparat joq ekenin habarlaǵan.
«Áiel kóp jyldar boiy kúieýiniń zorlyq-zombylyǵyna ushyrap kelgen, sonyń saldarynan qazir júre almaidy, onyń aiaqtary istemei qalǵan. Týystary eń kishi bala týraly eshqandai aqparat joq bolǵanyna alańdaýly — ol sábidi kórsetpeidi, qaida ekenin de aitpaidy. TikTok-ta onyń qyzdarymen birge túsken, óte qorqynyshty videolary kóp, ondaǵy túrinen-aq aqyl-esiniń durys emestigi baiqalady! Biz ony dereý qamaýǵa alyp, sotqa deiin bosatpaýǵa shaqyramyz, sebebi ol óz otbasyna qaýipti. Sondai-aq ony qylmystyq jaýapkershilikke tartýdy talap etemiz. Iá, biz bilemiz, áiel odan ólerdei qorqyp, ár joly aryz jazýdan bas tartqan, biraq dárigerler bárin biledi ǵoi, óitkeni onyń jaǵdaiy kózge anyq kórinip tur», – delingen qor habarlamasynda.
«Kúieýi áieline aýyr jaraqattar salǵan: ol áieldik aǵzalaryna ota jasatqan, keiin bas súiegine trepanatsiia jasaldy. Biraq bul da kúieýin toqtatpaǵan – ol áielin basynan ura beripti, sonyń saldarynan áiel esinen tanyp, talyp qala bergen. Aqyry bir kúni onyń aiaqtary istemei qalǵan. Balalar óz betterinshe ómir súrýge májbúr, ákeleri esh jerde jumys istemeidi, balalardyń anasyna tiesili járdemaqy kartasyn tartyp alǵan», – dep habarlady eriktiler.
