پەتروپاۆلدا بەس بالانىڭ اناسى بىرنەشە جىل بويى كۇيەۋىنىڭ زورلىق-زومبىلىعىنا ۇشىراپ كەلگەن، دەپ حابارلايدى Dalanews.kz.
تۇرمىستىق زورلىق-زومبىلىق قۇربانىنىڭ تۋىسى NeMolchiKZ ەرىكتىلەرىنەن كومەك سۇراپ، قازىرگى ۋاقىتتا وتباسىنىڭ ەڭ كىشى بالاسى تۋرالى ەشقانداي اقپارات جوق ەكەنىن حابارلاعان.
«ايەل كوپ جىلدار بويى كۇيەۋىنىڭ زورلىق-زومبىلىعىنا ۇشىراپ كەلگەن، سونىڭ سالدارىنان ءقازىر جۇرە المايدى، ونىڭ اياقتارى ىستەمەي قالعان. تۋىستارى ەڭ كىشى بالا تۋرالى ەشقانداي اقپارات جوق بولعانىنا الاڭداۋلى — ول ءسابيدى كورسەتپەيدى، قايدا ەكەنىن دە ايتپايدى. TikTok-تا ونىڭ قىزدارىمەن بىرگە تۇسكەن، وتە قورقىنىشتى ۆيدەولارى كوپ، ونداعى تۇرىنەن-اق اقىل-ەسىنىڭ دۇرىس ەمەستىگى بايقالادى! ءبىز ونى دەرەۋ قاماۋعا الىپ، سوتقا دەيىن بوساتپاۋعا شاقىرامىز، سەبەبى ول ءوز وتباسىنا ءقاۋىپتى. سونداي-اق ونى قىلمىستىق جاۋاپكەرشىلىككە تارتۋدى تالاپ ەتەمىز. ءيا، ءبىز بىلەمىز، ايەل ودان ولەردەي قورقىپ، ءار جولى ارىز جازۋدان باس تارتقان، ءبىراق دارىگەرلەر ءبارىن بىلەدى عوي، ويتكەنى ونىڭ جاعدايى كوزگە انىق كورىنىپ تۇر»، – دەلىنگەن قور حابارلاماسىندا.
«كۇيەۋى ايەلىنە اۋىر جاراقاتتار سالعان: ول ايەلدىك اعزالارىنا وتا جاساتقان، كەيىن باس سۇيەگىنە ترەپاناسيا جاسالدى. ءبىراق بۇل دا كۇيەۋىن توقتاتپاعان – ول ايەلىن باسىنان ۇرا بەرىپتى، سونىڭ سالدارىنان ايەل ەسىنەن تانىپ، تالىپ قالا بەرگەن. اقىرى ءبىر كۇنى ونىڭ اياقتارى ىستەمەي قالعان. بالالار ءوز بەتتەرىنشە ءومىر سۇرۋگە ءماجبۇر، اكەلەرى ەش جەردە جۇمىس ىستەمەيدى، بالالاردىڭ اناسىنا تيەسىلى جاردەماقى كارتاسىن تارتىپ العان»، – دەپ حابارلادى ەرىكتىلەر.
