Bul týraly Eýrazıa birinshi arnasy habarlaıdy.
- Aıala ne tamaq istep jatyrsyń? Bilmeı jatyrsyń ba?
- Tort.
- Tortty qalaı isteıdi?
Aıalaǵa tátti tortty daıyndap beretin ázirge anasy joq úıde. Sondyqtan, súıikti asyn búldirshinniń ózi ázirleýge týra keledi. Oıynshyqtaryn rettep, oısha tátti qıalǵa berilip otyr.
Hanádil Jumabaevtyń kúndelikti tirligi osy. Balalary úshin qara qazannyń da babyn úırenip alǵan. Kúnine eki mezgil as-aýqat ázirlep, ystyq tamaq pisiredi. Ákeleriniń árbir taǵamy qara domalaqtaryna unaıdy.
Hanádil Jumabaev, Oraz ata aýylynyń turǵyny:
Endi taǵdyr ǵoı. Basqa túsken soń tamaq isteýdi úırendik. Tek jumyrtqa qýyrýdy ǵana biletinmin. Qazir palaý, bárin istep jatyrmyn.
Otaǵasy sońǵy eki jyldan beri jalǵyz ózi balalaryna bas-kóz bolyp júr. Jubaıy otbasynan ketip qalǵan eken. Alysqa emes, kórshi aýylda turady. Anda-sanda perzentterinen habar alǵany bolmasa, úıge kelmeıdi eken. Oǵan balalary da úırenip qalǵan. Anasynan góri, ákeleri jaqyn.
Meırambek Pernehan, mektep oqýshysy:
Ákeme úı jumystaryna kómektesem. Bos ýaqytymda úı jınaımyn. Sabaq oryndaımyn. İnime shyǵara almaı jatqan esebi, jazýyna kómektesemin.
Meırambek aýyldaǵy mektepte 7-shi synypta oqıdy. Sabaq úlgerimi jaqsy. Oqý ozaty bolǵandyqtan, baýyrlaryna qaraılasady. Úı tapsyrmasyn qadaǵalaıdy. Keıde oǵan ákesi de qosylady. Áıteýir, eki jaqtap júrip, muǵalimniń úıge bergen tapsyrmasyn oryndap úlgeredi.
Hanádil jubaıy jaıynda syr ashyp eshteme aıtqysy kelmeıdi. Ne sebepti ajyrasqanyn da aıtpady. Aýyl aqsaqaldary kezinde tatýlastyrmaq ta bolypty ekeýin. Biraq, ortaq kelisimge kele almapty.
Hanádil Jumabaev, Oraz ata aýylynyń turǵyny:
Endi taǵdyr ǵoı. Basqa tústi. Basymen kóteresiń endi. Kónem ǵoı, tirshilik qoı.
Degenmen, endi qaıttim dep otyrǵan otaǵasy joq. "Bereke basy - birlikte" ekenin jaqsy biletin ol bıyl qańtarda Ataýly áleýmettik kómek alýǵa ótinish bildiripti. Suranysy qanaǵattandyrylyp, ár toqsan saıyn 300 myń teńgege jýyq járdemaqy alady eken. Aýdan ákimdigi jumysqa ornalastyryp bergen. Jáne úkimetten 864 myń teńge alýǵa járdemdesipti. Aqshasyna esik aldyna jylyjaı salyp, qyzanaq, qıar ósirýmen aınalysady. Tapqan tabysyn balalaryna jumsaıdy.
Hanádil Jumabaev, Oraz ata aýylynyń turǵyny:
Tabys qoı endi. Balalarǵa áıteýir, ary qaraı ózderin eptep keter. Úırengenniń esh aıyby joq. Tirshilik estep, ózderiniń kúnin kóretin áreket istep jatyr.
Taǵdyr taýqymetine moıymaǵan otaǵasy balalaryna ákelik qamqorlyqpen qosa analyq meırimdi de qatar syılaýǵa baryn salyp keledi.
Hanádil Jumabaev, Oraz ata aýylynyń turǵyny:
Papa, papa dep áıteýir, ish baýyryma kirip júrgen osylardyń baryna shúkir. Bala- shaǵam qolǵanat bolyp, men isteıtindi olar istep qoıady. Tamaqty jylytady. Kúnimizdi kórip jatyrmyz. Jaqsy.
Otaǵasynyń bar armany – jaqsy tárbıe berip, ulyn uıaǵa, qyzyn qıaǵa qondyrý. Bul sharýa bir ózine ońaıǵa soqpasyn bidedi. Sondyqtan jubaıy qaıta oralatyn bolsa, perzentteri úshin jańa ómir bastaýǵa daıynmyn dep otyr.
https://youtu.be/OFIpJBINwSA
