Áıel aǵzasy kúndelikti óz fýnksıalaryn durys atqarý úshin túrli dárýmender men mıneraldarǵa muqtaj. Keıbir vıtamınder energıany, kóńil kúıdi, júrek pen ımýnıtetti qoldaýda erekshe mańyzdy ról atqarady. Endeshe, áıelder úshin asa qajet 8 negizgi dárýmendi usynamyz, dep habarlaıdy Dalanews.kz.

1. Folıı qyshqyly (V9 vıtamıni)

Folıı qyshqyly, ásirese júktilik kezinde asa qajet. Ol:

• uryqtyń júıke tútiginiń aqaýlaryn aldyn alady,

• jasýshalardyń jańarýyna jáne DNQ túzilýine qatysady,

• qan túzý prosesin qoldaıdy.

Ol júktilik kezinde ǵana emes, jalpy áıelderdiń júrek densaýlyǵy men jasýshalyq jańarýynda da qajet. Folıı qyshqyly tabıǵı túrde kókónisterde, jemisterde, jańǵaqtarda kezdesedi.

2. Temir

Temir – aǵzadaǵy qyzyl qan jasýshalaryn túzýge jáne ottegin tasymaldaýǵa jaýapty mıneral.
Temir jetispese:

• anemıa,

• álsizdik,

• bas aınalý,

• etekkir sıkliniń buzylýy baıqalady.

3. Kálsı

Kálsı – súıekti nyǵaıtatyn negizgi element. Áıelderde menopaýza kezinde osteoporoz qaýpi joǵarylaǵandyqtan, kálsı tapshylyǵy jıi baıqalady. Kálsı súıek synýyn azaıtady, bulshyqet qyzmetin qoldaıdy jáne gormonaldy teńgerimge áser etedi.

4. V12 vıtamıni

V12 dárýmeni júıke júıesin, qan túzý prosesin jáne jalpy energıany qoldaıdy. Jasy ulǵaıǵan saıyn áıelderdiń aǵzasy V12 dárýmenin nashar sińire bastaıdy, sondyqtan 50 jastan keıin onyń tapshylyǵy jıi kezdesedi. 

5. D vıtamıni

D vıtamıni kálsıdiń sińýine kómektesedi jáne súıek saýlyǵyn qorǵaıdy. Sonymen qatar ol:

• ımýnıtetti kúsheıtedi,

• qabynýdy azaıtady,

• kóńil kúıdi retteýge áser etedi.

D vıtamıni áıelderdiń gormondyq júıesi men etekkir sıklin retteýde de mańyzdy ról atqarady. 

6. Omega-3 maı qyshqyldary

Omega-3:

• júrek-qan tamyr júıesin,

• mı qyzmetin,

• býyndardyń saýlyǵyn qoldaıdy.

Júkti áıelder úshin Omega-3 uryqtyń kóz jáne mı damýy úshin qajet.

7. Magnıı

Magnıı bulshyqet pen júıke júıesiniń jumysyn,energıa óndirýdi jáne júrek fýnksıasyn retteıdi.

Sonymen qatar qandaǵy qant deńgeıin qalypty ustap, qan qysymyn tómendetýge kómektesedi.

8. Mýltıvıtamınder

Mýltıvıtamınder barlyq áıelderge mindetti emes. Olar negizinen:

• dárýmenderdi tamaqtan jetkiliksiz alatyn,

• dıeta ustaıtyn,

• tábeti nashar áıelderge usynylady.

Al dárýmen tapshylyǵy joq adamdarǵa mýltıvıtamınderdiń paıdasy aıtarlyqtaı bolmaýy múmkin.

Eskertý: Bul materıal tek aqparattyq maqsatqa arnalǵan. Vıtamınder men kez kelgen qospalardy dárigerdiń keńesimen ǵana qabyldaý qajet. Ár adamnyń aǵzasy ártúrli, sondyqtan durys mólsher men qajetti vıtamınder tek medısınalyq tekseristen keıin anyqtalady.