Kórshiles eldiń ǵarysh basqarmasy 3 qańtar kúni adamzatqa beimálim bolyp kelgen Aidyń arǵy betine ǵaryshtyq apparatyn qondyrǵan bolatyn. Osylaisha Qytaidyń «Chane-4» ǵaryshtyq qurylǵysy Aidyń arǵy betine sátti qonǵan alǵashqy apparat retinde tarihta qalaiyn dep tur.
Mamandardyń aitýynsha, ǵarysh apparaty Aidyń arǵy betindegi Eitken basseiine qonǵan. Aldaǵy ýaqytta ǵarysh qurylǵysy kóptegen fotosýretter túsirip, Aidyń arǵy betinniń geologiialyq qurylymy jaiynda málimetter jinaqtaityn bolady. Sondai-aq, «Chane-4» tómengi tolqyndy radioastronomikalyq dybystarǵa baqylaý jasaidy dep kútilýde.
Osy rette aita ketýimiz kerek, «Chane-4» 8 jeltoqsan kúni Qytaidyń Sychýan provintsiiasynda ornalasqan Sichan ǵarysh ailaǵynan aspanǵa kóterilgen-di.
