كورشىلەس ەلدىڭ عارىش باسقارماسى 3 قاڭتار كۇنى ادامزاتقا بەيمالىم بولىپ كەلگەن ايدىڭ ارعى بەتىنە عارىشتىق اپپاراتىن قوندىرعان بولاتىن. وسىلايشا قىتايدىڭ «چانە-4» عارىشتىق قۇرىلعىسى ايدىڭ ارعى بەتىنە ءساتتى قونعان العاشقى اپپارات رەتىندە تاريحتا قالايىن دەپ تۇر.
![](/uploads/images/20240127221246391.jpg)
مامانداردىڭ ايتۋىنشا، عارىش اپپاراتى ايدىڭ ارعى بەتىندەگى ەيتكەن باسسەيىنە قونعان. الداعى ۋاقىتتا عارىش قۇرىلعىسى كوپتەگەن فوتوسۋرەتتەر ءتۇسىرىپ، ايدىڭ ارعى بەتىننىڭ گەولوگيالىق قۇرىلىمى جايىندا مالىمەتتەر جيناقتايتىن بولادى. سونداي-اق، «چانە-4» تومەنگى تولقىندى راديواسترونوميكالىق دىبىستارعا باقىلاۋ جاسايدى دەپ كۇتىلۋدە.
وسى رەتتە ايتا كەتۋىمىز كەرەك، «چانە-4» 8 جەلتوقسان كۇنى قىتايدىڭ سىچۋان پروۆينسياسىندا ورنالاسقان سيچان عارىش ايلاعىنان اسپانعا كوتەرىلگەن-دى.
![](/uploads/images/20240127221247121.jpg)