Qazaqstan Respýblikasy Aýyl sharýashylyǵy ministri Aidarbek Saparov Túrkistan oblysyna jumys saparymen kelip, shegirtke ziiankesine qarsy júrgizilip jatqan kúres barysyn baqylady,- dep habarlaidy Dalanews.kz
Ministr Arys qalasy, Qojatoǵai aýylyna baryp, arnaiy shtab múshelerimen birge Arys óńirinde shegirtkege qarsy júrgizilip jatqan qorǵaý sharalarymen tanysty. Óńdelgen aýmaqtardy aralap, jaýapty merdigerler men QR AShM Agroónerkásiptik keshendegi memlekettik inspektsiia komitetiniń Túrkistan oblystyq aýmaqtyq inspektsiiasynyń basshylyǵymen kezdesti.
– Preparattar jetkilikti, tehnika, sonyń ishinde drondar bar. Baqylaýdy kúsheitińizder. Barlyq óńdeý jumystary sapaly ári ýaqytyly oryndalýy tiis. Shegirtke qanattanyp úlgermeýi kerek, – dedi Aidarbek Saparov.
Boljamǵa sáikes, 2025 jyly Túrkistan oblysynda úiirli shegirtkelerdiń taralýy 372 myń gektar aýmaqty qamtýy múmkin. Aýyl sharýashylyǵyna keletin zalaldy boldyrmaý maqsatynda óńirde himiialyq óńdeý jumystary qarqyndy júrgizilýde. Búgingi tańda 352,4 myń gektar jer óńdeldi.
3 sáýirden bastap Arys qalasynda ornalasqan bas shtabta jumystar kúndelikti úilestirilýde. Shegirtke ziiankesi qonystanǵan 9 aýdandaǵy jaiylym jer alqaptarynyń 15 myń gektardan bólingen kartasy ázirlenip, jalpy 65 aýmaqta jumysshy top jasaqtaldy.
Alǵashqy anyqtalǵan dernásil satysynda himiialyq óńdeý júrgizildi. Dernásil satysynda aspaly búrikkishpen óńdeýdiń tiimdiligi anyqtalyp, josparlanǵan 475 búrikkishke qosymsha 434 dana búrikkish alynyp, jalpy 909 aspaly búrikkishpen (Arys – 420, Saryaǵash – 205, Keles – 230, Shardara – 44, Ordabasy – 10) jumystar júrgizilýde. Shegirtkeniń 2-3 jas kezeńinde himiialyq óńdeýge «Tiametrin» jáne «Karate» suiyq preparattary qoldanylsa, 4 jas kezeńinen bastap «Atset 200» untaq túrindegi preparat jumsalýda. Naýqanǵa 2730 adam qatysýda, onyń 1590-y – anyqtaýshy. Alqaptar 273 jer ústi búrký tehnikalarymen, 54,2 myń gektar áýe arqyly 4 «AN-2» ushaǵymen jáne kólik bara almaityn aimaqtar 7 dronmen óńdeldi. Úzdiksiz jumys isteý 48 sý tasityn avtokólik qyzmet etýde. Budan bólek, 50 myń ga aýmaq (Arys – 32 myń ga, Saryaǵash – 18 myń ga) Aqmola oblysynyń «Agro Liýks» JShS-niń 3 gazogeneratorymen óńdeldi.
Josparlarǵan aýmaq óńdelip, aýyl sharýashylyǵy daqyldarynyń zaqymdalýy men ziiankesterdiń basqa óńirlerge taralýyna tosqaýyl qoiyldy.
