QR Saýda jáne ıntegrasıa vıse-mınıstri jańadan taǵaıyndaldy, dep habarlaıdy Dalanews.kz.

Bul týraly Úkimetiniń baspasóz qyzmeti habarlady.

"Qazaqstan Respýblıkasy Úkimetiniń qaýlysymen Aıdar Ahmetbekuly Ábildabekov Saýda jáne ıntegrasıa vıse-mınıstri qyzmetine taǵaıyndalsyn", delingen qaýlyda.

Aıdar Ábildabekov 1970 jyly dúnıege kelgen.

E. Bóketova atyndaǵy Qaraǵandy memlekettik ýnıversıtetin bitirgen.

Eńbek jolyn 1996 jyly komersıalyq qurylymdarda bastady, saýda salasynda kásipkerlik qyzmetpen aınalysty.

1998-2009 jyldary QR keden organdarynda ınspektor, aǵa ınspektor, bas ınspektor, keden beketi bastyǵynyń orynbasary, bólim bastyǵy bolyp qyzmet atqarǵan.

2010-2022 jyldary  QR statısıka organdarynda jumys istegen: QR Statısıka agenttiginiń Qyzmet statısıkasy basqarmasynyń bastyǵy, Almaty qalasy boıynsha statısıka departamenti bastyǵynyń orynbasary boldy, Ońtústik Qazaqstan jáne Túrkistan oblysy, Almaty qalasy boıynsha Statısıka departamentterin basqardy.

2022 jyldyń aqpan aıynan bastap qazirgi ýaqytqa deıin QR Saýda jáne ıntegrasıa mınıstrligi Saýda komıteti tóraǵasynyń orynbasary qyzmetin atqardy.