Aida Balaeva: Eskiniń tozyǵyn tastap, jańanyń ozyǵyn damytý
Onlain-formatta ótken jiynǵa Aqparat jáne qoǵamdyq damý ministri Aida Balaeva tóraǵalyq etti. Ministr Aida Balaeva qatysýshylardy Naýryz merekesimen quttyqtap, Memleket basshysy Qasym-Jomart Toqaevtyń «Táýelsizdik bárinen qymbat» maqalasynda jazylǵandai ulttyq biregeiliktiń negizin quraityn mádeniet pen dástúrlerdi saqtaý qajettiligin eske saldy. Osy oraida, ministr Prezidenttiń tapsyrmasy boiynsha Naýryz meiramyn merekeleý Tujyrymdamasynyń jobasy daiyndalǵanyn jáne soǵan sáikes merekeniń rýhani-adamgershilik mazmunyn damytýǵa baǵyttalǵan keshendi is-sharalardy iske asyrý josparlanǵanyn aitty.
«Rýhaniiat máselesi – tek eski salt-dástúrlerdiń jiyntyǵy dep qaraý emes. Eskiniń tozyǵyn tastap, jańanyń ozyǵyn damytý, ony urpaq boiyna darytý da – rýhani tárbieniń ózegi bolýy tiis. Jas urpaqty búgingi zamannyń teris qylyqtarynan qorǵap, durys qundylyqtaryna tárbieleý ózekti másele», - dedi Aida Balaeva.
Is-sharaǵa memlekettik organdar men ǵylymi-shyǵarmashylyq ziialy qaýym ókilderi, úkimettik emes uiymdardyń basshylary, sarapshylar qatysty. QR Parlamenti májilisiniń depýtaty Berik Ábdiǵaliulynyń pikirinshe, kózqarasy men dúnietanymy ózgergen qazirgi qoǵamda «Rýhani jańǵyrýdyń» ustanymdaryn halyqqa basqasha joldarmen túsindirý qajet.
«Qazirgi tsifrlanǵan zamanda ulttyq sanamyzdy jańǵyrtyp, dástúrlerimizdi saqtap qalý mańyzdy. Buryn biz qalada qazaq tili joiylyp barady baibalam salyp, alańdaýshy edik. Qazir qalanyń tili de qazaqylanyp jatyr. Biraq odan rýhani jańǵyryp kete qoiǵanymyz shamaly. Problema sheshilgen joq. Jastardyń túisigi, túsinigi basqa. Sondyqtan, olarǵa jastardyń tilinde túsindirgen jón. Keiingi kezderi elimizdi álemdik arenalarda tanytyp júrgen jastarymyz kóp. Endi solardyń boiyna ulttyq qundylyqtarymyzdy sińirý kerek» - dedi Berik Ábdiǵaliuly.
Óz kezeginde «Ulttyq tárbie otbasydan bastalady» taqyrybynda baiandama jasaǵan «Rýhani jańǵyrý» ortalyǵynyń jetekshisi Janar Boqanova «Rýhani jańǵyrý» baǵdarlamasynyń qaǵidalary negizinde mektepke deiin jáne mektep jacyndaǵy balalapdy pýhani-adamgepshilikke tárbieleý tujyrymdamasynyń daiyndalǵanyn jetkizdi.
«Kez kelgen qoǵam otbasy institýty arqyly qalyptasady. Jahandaný zamanynda dástúrli qundylyqtar joiylyp, álem boiynsha otbasy daǵdarysy baiqalady. Otbasyndaǵy tálim-tárbieniń róli tómendep, jastardyń arasynda shańyraq qurýǵa umtylystyń joqtyǵy da kórinis berip otyr. Osyǵan orai, qoǵamda otbasy institýtynyń rólin kóterý, úzdik otbasylardy nasihattaý, óskeleń urpaqtyń boiyna otbasylyq dástúrler men ulttyq tárbieni sińirýdiń ózektiligi joǵary», - dedi Janar Boqanova.
Osyǵan bailanysty, ministrlik «Aqyldy urpaq», sondai-aq básekege qabiletti, jan-jaqty damyǵan jas urpaqty tárbieleýge baǵyttalǵan «Ulttyq tarbie» jobalary iske asyrylatynyn habarlady. Dóńgelek ústelge qatysýshylardyń barlyq usynystary men eskertýleri jinaqtalyp, «Rýhani jańǵyrý» ortalyǵynyń aldaǵy jumysynda eskeriletin bolady.
