Osy jyldyń 2 naýryzynan bastap infliýenserler (blogerler) kommertsiialyq nemese sharttyq negizde ornalastyratyn onlain-jarnamany tańbalaýǵa tiis. Bul týraly Mádeniet jáne aqparat ministri Aida Balaeva Facebook-tegi paraqshasynda jazdy, dep habarlaidy Dalanews.kz.
"Byltyr 10 shildede Memleket basshysy "Onlain-platformalar jáne onlain-jarnama týraly" zańǵa qol qoidy. Zań jobasy Qazaqstanda qaýipsiz onlain orta qurýǵa baǵyttalǵan. Qujattaǵy kórsetilgen negizgi quqyqtyq tetikterdiń biri – jelidegi jarnamany tańbalaý mindettemesi. Biz zerttegen halyqaralyq tájiribe kórsetkendei, jetekshi elder onlain-jarnamanyń mańyzdy rólin jáne ony onlain-platformalarda kórsetý tetikterine erekshe nazar aýdarady. Sonymen qatar onlain-jarnamanyń ashyqtyǵyn arttyrýǵa baǵyttalǵan talaptardy kózdeidi", delingen jazbada.
Osy rette ministr "Ádilet" portalynda jelidegi jarnamany tańbalaý erejelerin belgileitin buiryq jariialanǵanyn jazdy. Ol ereje 2 naýryzdan bastap kúshine enedi.
"Erejeler bizneske áser etý úshin oń baǵalanǵanyn jáne tolyǵymen Qazaqstannyń onlain segmentinde keń taralǵan qazirgi tájiribege negizdelgenin atap ótý qajet. Osy erejelerdi qalyptastyrý kezinde kommertsiialyq negizde ornalastyrylǵan kontentti óz betinshe belgileitin media-sýbektiler tájiribesine súiendik. Biz óz kezegimizde osy trendti Qazaqstan Respýblikasynyń búkil internet keńistigine taratý jón dep esepteimiz", dep jazdy Aida Balaeva.
Osy erejege sáikes infliýenserler (blogerler) kommertsiialyq nemese sharttyq negizde ornalastyratyn onlain-jarnamany tańbalaýǵa tiis. Olar jariialanymnyń basynda nemese sońynda onlain ortada belsendi qoldanylatyn tómendegidei tujyrymdardyń birin kórsetý kerek:
- «jarnama»;
- «jarnamalyq material»;
- «seriktestik material»;
- «demeýshilik material»;
- «jarnama quqyǵynda»;
- «demeýshimen tólengen»;
- «PR quqyǵynda»;
Áleýmettik jarnamany (qaiyrymdylyq jáne kommertsiialyq emes sipattaǵy basqa da qoǵamdyq paidaly maqsattarǵa qol jetkizýge baǵyttalǵan) jáne jedel habar almasý qyzmetterinde (messendjerler) ornalastyrylatyn jarnamany belgileýdiń qajeti joq.
