QR Mádeniet jáne aqparat ministri Aida Balaeva «Aiqyn» gazetine bergen suhbatynda eldegi kitap isi jáne qoǵamdy kitap oqýǵa baýlý máselelerine toqtaldy.
– Búginde jańa janrlardy damytý asa mańyzdy. Qazirgi balalar men jasóspirimder komiks, fentezi, detektiv, fantastika janrlaryna qyzyǵýshylyq tanytady. Bul – olardyń ádebietke bastar alǵashqy joly. Sondyqtan osy baǵyttaǵy kitaptardy kóbirek shyǵaryp, qorlardy jańartý, zamanaýi avtorlardy qoldaý – kún tártibindegi mańyzdy mindet, – dedi Aida Balaeva.
Ministr balalarǵa kitapty kúshtep oqytý emes, qyzyqtyra otyryp úiretý qajet ekenin aitty. «Olar ádebietke jańa formalar arqyly ǵashyq bolýy múmkin. Demek, biz ádebiet pen mádeniette murany saqtai otyryp, bolashaqty qalyptastyrý missiiasyn qatar alyp júrýimiz kerek», – dep atap ótti Aida Balaeva.
Sonymen qatar, memlekettiń kitap basýǵa jumsalatyn qarajatyn tiimdi paidalaný, taqyryp jańǵyrtý, jazýshylardy qoldaý máseleleri – jekelegen birrettik fakt emes, júieli, strategiialyq turǵyda sheshetin másele ekenin aitty.
Qazirdiń ózinde Prezident Ákimshiliginiń tapsyrmasyna sáikes, 2025 jyly basylyp shyǵatyn ádebietter qataryndaǵy zamanaýi kórkem, pýblitsistikalyq (non-fiction) jáne ǵylymi-kópshilik, sondai-aq ministrlik bastamasymen aýdarma men balalar jáne jasóspirimderge arnalǵan ádebietter úlesi 80% artqan.
Aita keteiik, táýelsizdik jyldarynan beri memleket tapsyrysy boiynsha jyl saiyn qalamgerlerdiń kitaptary basylyp, elimizdiń barlyq óńirindegi kitaphanalarǵa jetkizilip keledi. Máselen, 2017–2024 jyldar aralyǵynda memlekettik tapsyryspen 1 487 kitap, jalpy taralymy 4 mln 911 myń dana basylyp shyqty. Sonymen qatar avtorlarǵa qalamaqy tóleý júiesi de jolǵa qoiylǵan.
