قر مەدەنيەت جەنە اقپارات مينيسترٸ ايدا بالاەۆا «ايقىن» گازەتٸنە بەرگەن سۇحباتىندا ەلدەگٸ كٸتاپ ٸسٸ جەنە قوعامدى كٸتاپ وقۋعا باۋلۋ مەسەلەلەرٸنە توقتالدى.
– بٷگٸندە جاڭا جانرلاردى دامىتۋ اسا ماڭىزدى. قازٸرگٸ بالالار مەن جاسٶسپٸرٸمدەر كوميكس, فەنتەزي, دەتەكتيۆ, فانتاستيكا جانرلارىنا قىزىعۋشىلىق تانىتادى. بۇل – ولاردىڭ ەدەبيەتكە باستار العاشقى جولى. سوندىقتان وسى باعىتتاعى كٸتاپتاردى كٶبٸرەك شىعارىپ, قورلاردى جاڭارتۋ, زاماناۋي اۆتورلاردى قولداۋ – كٷن تەرتٸبٸندەگٸ ماڭىزدى مٸندەت, – دەدٸ ايدا بالاەۆا.
مينيستر بالالارعا كٸتاپتى كٷشتەپ وقىتۋ ەمەس, قىزىقتىرا وتىرىپ ٷيرەتۋ قاجەت ەكەنٸن ايتتى. «ولار ەدەبيەتكە جاڭا فورمالار ارقىلى عاشىق بولۋى مٷمكٸن. دەمەك, بٸز ەدەبيەت پەن مەدەنيەتتە مۇرانى ساقتاي وتىرىپ, بولاشاقتى قالىپتاستىرۋ ميسسيياسىن قاتار الىپ جٷرۋٸمٸز كەرەك», – دەپ اتاپ ٶتتٸ ايدا بالاەۆا.
سونىمەن قاتار, مەملەكەتتٸڭ كٸتاپ باسۋعا جۇمسالاتىن قاراجاتىن تيٸمدٸ پايدالانۋ, تاقىرىپ جاڭعىرتۋ, جازۋشىلاردى قولداۋ مەسەلەلەرٸ – جەكەلەگەن بٸررەتتٸك فاكت ەمەس, جٷيەلٸ, ستراتەگييالىق تۇرعىدا شەشەتٸن مەسەلە ەكەنٸن ايتتى.
قازٸردٸڭ ٶزٸندە پرەزيدەنت ەكٸمشٸلٸگٸنٸڭ تاپسىرماسىنا سەيكەس, 2025 جىلى باسىلىپ شىعاتىن ەدەبيەتتەر قاتارىنداعى زاماناۋي كٶركەم, پۋبليتسيستيكالىق (non-fiction) جەنە عىلىمي-كٶپشٸلٸك, سونداي-اق مينيسترلٸك باستاماسىمەن اۋدارما مەن بالالار جەنە جاسٶسپٸرٸمدەرگە ارنالعان ەدەبيەتتەر ٷلەسٸ 80% ارتقان.
ايتا كەتەيٸك, تەۋەلسٸزدٸك جىلدارىنان بەرٸ مەملەكەت تاپسىرىسى بويىنشا جىل سايىن قالامگەرلەردٸڭ كٸتاپتارى باسىلىپ, ەلٸمٸزدٸڭ بارلىق ٶڭٸرٸندەگٸ كٸتاپحانالارعا جەتكٸزٸلٸپ كەلەدٸ. مەسەلەن, 2017–2024 جىلدار ارالىعىندا مەملەكەتتٸك تاپسىرىسپەن 1 487 كٸتاپ, جالپى تارالىمى 4 ملن 911 مىڭ دانا باسىلىپ شىقتى. سونىمەن قاتار اۆتورلارعا قالاماقى تٶلەۋ جٷيەسٸ دە جولعا قويىلعان.
