Almatyda aialdama mańynda zeinet jasyndaǵy áielge belgisiz er adam shabýyl jasaǵan, dep habarlaidy Dalanews.kz.
Oqiǵa Bostandyq aýdanynda bolǵan. Málimetke sáikes, 66 jastaǵy áiel avtobýs aialdamasynda avtobýs kútip turǵan kezde belgisiz jas jigit artynan kelip, sebepsiz oǵan kúsh kórsetken.
Jábirlenýshi aýyr halde aýrýhanaǵa jetkizilgen. Qazirgi tańda onyń jaǵdaiy dárigerlerdiń baqylaýynda.
Oqiǵa týraly jábirlenýshiniń qyzy áleýmettik jelide jazba jariialap, bolǵan jaǵdaidy baiandady.
"Bul videony kórý qiyn, biraq ony kórý kerek. Men muny qaralym úshin jariialap otyrǵan joqpyn. Kináli adam jazasyz qalmasyn dep, barynsha kóp adam bilsin deimin. Búgin bul meniń anammen boldy, erteń kez kelgen áieldiń basyna túsýi múmkin", – delingen jazbada.
Politsiia atalǵan fakti boiynsha aryzdy qabyldap, tekserý jumystaryn bastaǵan. Quzyrly organ ókilderi kúdiktini anyqtap, zań aiasynda tiisti shara qoldanatynyn málimdedi.
