Aiagózde «Jas sarbaz» áskeri-patriottyq klýby jańa múshelerin qabyldady
Keńes zamanynda elimizde kóptegen áskeri-patriottyq uiymdar jumys istegen edi. Keiinnen onyń bári jabylyp qalǵany jasyryn emes.
Aiagózdik órender sol eski dástúrdi jańǵartyp, áskeri-patriottyq klýb quryp, jas jetkinshekterdi otanshyldyq sezimge baýlyp keledi.
«Jas sarbaz» áskeri-patriottyq klýbynyń quramyna jańa múshelerdi qabyldaý sharasyna aýdandaǵy aýǵan soǵysy ardagerleri, oqý bóliminiń qyzmetkerleri men áskeriler qatysty. Saltanatty sharada klýb belsendileri qatarlaryna qabyldanǵan 25 oqýshyǵa klýbtyń múshesi ekenin aiǵaqtaityn káýlikti tabystap, olardan ant qabyldady.
Ant berý rásiminde jas sarbazdar Qazaqstan Respýblikasy Konstitýttsiiasyn saqtaýǵa, Otanymyzdy qorǵaýǵa ant berdi. Osylaisha «Jas sarbazdyń» jańa qurammen tolyquanyna kýá boldyq.
Jiynǵa qatysýshylar jas jetkinshekterdiń osyndai klýb, úiirmelerdiń jumysyna belsene qatysýy olardyń bolashaqta óz Otanyn súietin patriot azamat bolyp qalyptasýyna jol ashatynyn alǵa tartyp, «Jas sarbaz» áskeri-patriottyq klýbynyń jumysyna sáttilik tiledi.
