Búginde jastar arasynda otanshylydyq sezimin oıatý mańyzdy mindetterdiń biri. El qorǵany bolatyn jastardyń osy baǵytta qalaı tárbıeleýge bolady? Buǵan árkim ártúrli jaýap beretini anyq. Osy suraqqa taıaýda Aıagózde jaýap tabylǵandaı. Táýelsizdik merekesi qarsańynda Aıagóz qalasyndaǵy №6 orta mekteptiń túlekteri jas jetkinshekterdiń otanshyldyq sezimin damytýǵa tárbıeleıtin «Jas sarbaz» áskerı-patrıottyq klýbynyń múshelegine ótti, – dep habarlaıdy Dalanews.kz.

Keńes zamanynda elimizde kóptegen áskerı-patrıottyq uıymdar jumys istegen edi. Keıinnen onyń bári jabylyp qalǵany jasyryn emes.

Aıagózdik órender sol eski dástúrdi jańǵartyp, áskerı-patrıottyq klýb quryp, jas jetkinshekterdi otanshyldyq sezimge baýlyp keledi.

«Jas sarbaz» áskerı-patrıottyq klýbynyń quramyna jańa múshelerdi qabyldaý sharasyna aýdandaǵy aýǵan soǵysy ardagerleri, oqý bóliminiń qyzmetkerleri men áskerıler qatysty. Saltanatty sharada klýb belsendileri qatarlaryna qabyldanǵan 25 oqýshyǵa klýbtyń múshesi ekenin aıǵaqtaıtyn káýlikti tabystap, olardan ant qabyldady.

Ant berý rásiminde jas sarbazdar Qazaqstan Respýblıkasy Konstıtýtsıasyn saqtaýǵa, Otanymyzdy qorǵaýǵa ant berdi. Osylaısha «Jas sarbazdyń» jańa qurammen tolyquanyna kýá boldyq.

Jıynǵa qatysýshylar jas jetkinshekterdiń osyndaı klýb, úıirmelerdiń jumysyna belsene qatysýy olardyń bolashaqta óz Otanyn súıetin patrıot azamat bolyp qalyptasýyna jol ashatynyn alǵa tartyp, «Jas sarbaz» áskerı-patrıottyq klýbynyń jumysyna sáttilik tiledi.