Aıagóz aýdanaralyq aýrýhanasynyń Kardıologıalyq ortalyǵynyń dárigerleri alǵash ret naýqasqa elektrokardıostımýlátordy ornatý boıynsha operasıa jasady, – dep habarlaıdy Dalanews.kz SHQO ákiminiń baspasóz qyzmetine silteme jasap.

Kardıohırýrg jáne angıohırýrg dáriger Tımýr Óteǵalıevtiń aıtýynsha, 88 jastaǵy naýqas júrek pen keýde tusyndaǵy aýyrsyný, entigý jáne III dárejeli AV-blokada júrek yrǵaǵynyń buzylýy belgilerimen túsken. Buǵan qosa, jıi esinen tanyp, jaǵdaıy nasharlaı túsedi. Sondyqtan dárigerler júrektiń durys jumys isteýi úshin elektrokardıostımýlátordy shuǵyl ımplantasıalaý týraly sheshim qabyldady.

Búgingi tańda áje ózin jaqsy sezinedi, jaǵdaıy turaqty, júrek-tamyr aýrýy men júrek yrǵaǵynyń belgileri qalypqa keldi. Reanımasıadan jalpy palataǵa aýystyryldy.

Aıta keteıik, búginde Shyǵys Qazaqstannyń eki aýdanynda ınsýlt ortalyqtary, sondaı-aq angıografıa bólimsheleri ashyldy. Aıagóz aýdanynda ótken jyldyń kúzinen bastap mı angıografıasyn da júrgize bastady.

Tımýr Óteǵalıevtiń aqparaty boıynsha búginde 300 koronagrafıalyq zertteý júrgizildi. Onyń ishinde 150 koronarlyq arterıany stentteý, sondaı-aq 20 serebraldy angıografıa, serebraldy arterıany stentteý boıynsha úsh jáne eki tromboekstraksıalaý, 10 shetkergi angıografıalyq zertteý, eki shetkergi arterıany angıoplastıkalaý júrgizildi.