Astanada I toptaǵy múmkindigi shekteýli parasportshylardan júieli túrde aqsha jinaldy degen derek qoǵam nazaryn aýdartty. Bul jaǵdai boiynsha aldymen advokat málimdeme jasap, keiin resmi shaǵym joldanǵan. Oqiǵanyń mán-jaiyn parasportshynyń ózi de ashyq baiandady, dep habarlaidy Dalanews.kz.
Advokat málimdemesi
Advokat Dastan Igýbaevtyń aitýynsha, onyń qorǵaýyndaǵy eki parakarateshi, I toptaǵy múgedektigi bar sportshylar 2023 jyldan beri jumys barysynda júieli qysymǵa tap bolǵan.
“Jalaqylary shamamen 137 myń teńge bolǵan. Sonyń 50 myń teńgesin ai saiyn túrli nómirge aýdaryp otyrý talap etilgen. Bul talap oryndalmasa, jumystan shyǵarý qaýpi bolǵan”, - dedi advokat.
Onyń sózinshe, sportshylar bul jaǵdaiǵa bailanysty quqyq qorǵaý organdaryna júgingenimen, is áli kúnge deiin qozǵalmaǵan.
“Qańtar aiynan beri qylmystyq is qozǵalmai otyr. Materialdar bir organnan ekinshisine jiberilip, naqty nátije joq”, - deidi ol.
Resmi shaǵym
Advokattyń atynan joldanǵan resmi shaǵymda oqiǵanyń mán-jaiy tolyq baiandalǵan. Qujatta kórsetilgendei, sportshylar jumyspen qamtý baǵdarlamasy arqyly Astanadaǵy karate federatsiiasyna jumysqa ornalasqan.
Alaida alǵashqy jalaqy túskennen keiin olardan ai saiyn 50 myń teńgeden aýdaryp otyrý talap etilgen.
Shaǵymǵa sáikes, bul qarajat naqty kórsetilgen telefon nómirlerine aýdarylyp otyrǵan. Al bas tartqan jaǵdaida jumystan shyǵarý týraly eskertý jasalǵan.
Sonymen qatar aryz 2026 jyldyń 16 qańtarynda politsiiaǵa berilgenimen, ol Biryńǵai sotqa deiingi tergep-tekserý tizilimine (ERDR) tirkelmegen.
“Bul protsessýaldyq sheshim zań talaptaryna qaishy. Qylmys belgileri bolǵan jaǵdaida is mindetti túrde tirkelýi tiis”, - delingen shaǵymda.
Qujatta sondai-aq aqsha qaitarylǵanymen, bul jaǵdai quqyqtyq jaýapkershilikti joqqa shyǵarmaityny atap ótilgen.
Parasportshynyń ózi ne deidi
Osy arada Dalanews.kz redaktsiiasy da atalǵan jaǵdai boiynsha parasportshynyń málimdemesine nazar aýdardy. Ol buǵan deiin Sportbugin.kz saityna suhbat bergen.
Jetes Nurmaǵanbetovtyń aitýynsha, 2021 jyldan bastap parakaratemen ainalysyp, keiin federatsiia arqyly jumysqa qabyldanǵan.
“Bastapqyda 102 myń teńge aldyq, keiin 120 myń teńgege deiin ósti. Biraq ai saiyn 50 myń teńgeni belgili adamdardyń Kaspi nómirlerine aýdaryp otyrdyq”, - deidi ol.
Onyń sózinshe, bul qarajattyń qaida jumsalatyny alǵashynda túsindirilmegen. Keiin “muqtaj jandarǵa kómek” retinde jiberiletini aitylǵan.
Alaida ýaqyt óte kele sportshy bul talaptarǵa qarsy shyqqan.
“Men ipoteka alǵanymdy aityp, endi aqsha aýdara almaitynymdy jetkizdim. Sol kezde maǵan qysym kórsetilip, jumystan shyǵaratynyn aitty”, — deidi ol.
Sonymen qatar ol qujat júzinde garderobshy jáne programmist bolyp tirkelgenin, biraq is júzinde tek jattyǵýmen ainalysqanyn atap ótti.
Aqsha qaitarý jáne keshirim suraý
Sportshynyń aitýynsha, 2026 jyldyń qańtarynda e-Ótinish arqyly shaǵymdanǵannan keiin federatsiia basshysy onyń úiine baryp, keshirim suraǵan.
“1 mln 150 myń teńgeni qolma-qol alyp keldi. Biraq men ol aqshany almadym. Keiin ol aqsha basqa nómirler arqyly meniń shotyma aýdaryldy”, — deidi Jetes Nurmaǵanbetov.
Ol sondai-aq ózinen bólek taǵy birneshe adamnan aqsha jinalǵanyn aitty.
Federatsiia basshysy aiyptaýdy joqqa shyǵardy
Bul jaǵdaiǵa qatysty federatsiia ókili Meiramgúl Dýkýeva ózine taǵylǵan aiyptaýlardy joqqa shyǵardy.
“Munyń barlyǵy - jala. Buǵan deiin de aryzdar bolǵan, biraq eshqaisysy dáleldengen joq. Qalasa, taǵy da sotqa júginsin”, — dedi ol.
Qazirgi tańda bul iske qatysty quqyq qorǵaý organdary tarapynan resmi qorytyndy jariialanǵan joq.
