Ahmetov Óskemenniń aýasyn tazartýdyń jolyn tapty
Bul týraly OKQ-da ótken baspasóz máslihatynda oblys ákimi Danial Ahmetov aitty.
"Óńirdegi ekologiialyq máselelerdiń birazy – óndiristegi eski tehnologiiamen bailanysty. Bul syltaý emes. Oblystaǵy óndiris oryndarynyń jumys protsesi ótken ǵasyrdyń tehnologiiasyn talǵajaý etip otyr. Sonyń saldaryn kórip otyrmyz.
Al endi bul eskini buzyp, ornyna jańa tehnologiia ornatýǵa bola ma? Ábden bolady. Dál qazir osy máselemen ainalysyp jatyrmyz. Prezident tapsyrma berip, soǵan sai baǵdarlama ázirlendi.
Bul joba qazir Ekologiia, geologiia jáne tabiǵi resýrstar ministrliginiń qaraýynda jatyr", – dedi Ahmetov.
Onyń aitýynsha sońǵy jyldary óńirde ekologiialyq máselelerdi sheshýge barynsha kóńil bólinýde. Osy maqsatqa sońǵy 5 jylda 27 mlrd teńge bólinipti.
"Munyń 12 mlrd-yn QazMyrysh, 4 mlrd-yn Kómis-elektr stansalary berdi. Nege qol jetkizdik? Sońǵy 4-5 jylda aýaǵa tastalatyn qaldyq kórsetkishin azaittyq. Shyǵystyń ekologiialyq máselesin sheshetin baǵdarlama sapaly jasalǵan. Ol týraly keńirek aitpai tura turaiyn. Ministrliktiń saraptamasy kelgennen keiin tolyqqandy jaýabyn beremin", - dedi ol.
