Ahmetovtyń aitýynsha qazirgi tańda Semei, Óskemen qalalarynan bólek, Aiagóz jáne Jarma aýdandarynda COVID-19 virýsyn juqtyrǵan turǵyndar sany kún sanap artyp, infektsiianyń taralý aýmaǵy keńeiý ústinde.
⠀
Tek Aiagóz qalasynyń ózinde 105 adam aýyrsa, jalpy aýdan ishinde 161 naýqas tirkelgen. Al Jarma aýdanynda qazirgi ýaqytta 98 adam virýs juqtyrǵan. Olardyń 57-si Qalbataý turǵyndary.
Kún saiyn eselenip otyrǵan kórsetkish jaǵdaidyń ýshyǵyp, virýstyń jedel tarap jatqanyn aiqyndap otyr. Bir ǵana maýsym aiynyń ishinde bizdiń oblysta naýqastar sany 5,3% nemese 700 adamǵa artty. Sońǵy táýlikte virýs 96 adamda anyqtalyp, oblystaǵy naýqastar sany 2116 qurady.
⠀
Búgin kezekti ret aýdan, qala ákimderiniń, tiisti organ basshylary men aýrýhanalardyń bas dárigerleriniń qatysýymen onlain rejimde jinalys ótkizdim. Onyń barysynda árbir aýrýhanadaǵy jaǵdaidy muqiiat qaraýdamyz. Sondai-aq, Aiagóz, Jarma aýdandarynda shekteý sharalaryn kúsheitýdi tapsyrdym.
⠀
Naqtyraq aitsaq, Aiagóz, Shar qalalary men Qalbataý kentterinde qatań talap engiziledi.
Bolyp jatqan jaǵdaiǵa tek qatań shekteýler men azamattardy oqshaýlaý sharalary ǵana túbegeili sheshim bermek. Semeide engizilgen shekter sharalary búginde óz nátijesin berýde. Baiaý bolsa da, kezeńimen qysqaryp keledi. Sondyqtan sizderden barynsha áleýmettik qashyqtyqty saqtap, sanitarlyq talaptardy tolyq oryndaýdy ótinip suraimyn.
⠀
Bul eń birinshi, Sizdiń, otbasyńyzdyń jáne jaqyn jandaryńyzdyń densaýlyǵy men ómiri úshin qajet. Túsinistik tanytýlaryńyzdy suraimyn.
