Óńir basshysy respıratorlyq aýrýlarmen aýyratyndardyń maýsymyn qarastyryp, sondaı-aq, koronovırýstyq ınfeksıany da mindetti túrde eskerý ómirlik mańyz ekenine senimdi.
"Kúzde sýyq tıip aýyratyn adamdardyń sany ósetindigi belgili, sondyqtan osy kezde KVI pandemıasy aıasynda jaǵdaı ýshyǵýy múmkin. Oǵan jol berýge bolmaıdy. Sondyqtan da dárigerler ótken jyldardyń aýrýshańdyǵyn eskere otyryp, preparattarmen qamtamasyz etý boıynsha naqty kórinisti sársenbige deıin berýi tıis", - dedi SHQO ákimi Danıal Ahmetov.
Budan bylaı óńirdegi dári-dármektermen qamtamasyz etý SHQO turaqtandyrý qoryna azyq-túlikpen qatar engizilgen.
Qazirgi ýaqytta SHQO men Tatarstan arasynda shartqa qol qoıyldy, oǵan sáıkes 10 kúnnen keıin óńirge dárilik preparattardyń bes túri túsedi, olardyń ishinde antıkoýgýlánttar, aspırın, analgın jáne basqa da ystyqty tómendetetin jáne vırýsqa qarsy preparattar bar.
Aıta keteıik, Qazaqstanda áli lısenzıalanbaǵan, biraq koronavırýsty emdeý hattamasyna engizilgen dári-dármekterdiń eleýli kólemin shetelde tikeleı óndirýshi zaýyttardan bir ret satyp alý úshin dári-dármekterdi iri jetkizýshilermen kelissózder júrgizilýde. Osy maqsatta SHQO ákimi Danıal Ahmetov QR Densaýlyq saqtaý mınıstrligi janyndaǵy farmasevtıkalyq baqylaý komıtetine shyqty.
Aımaq basshysy atap ótkendeı, dál osy preparattar aýrýhanalarǵa, dárihanalarǵa túsedi, sondaı-aq kúzgi kezeńge "qol suǵylmaıtyn" qor jasaıdy.
"2020 jyldyń sýyq qazan aıyna biz daıyn bolýymyz kerek", - dep túıindedi SHQO ákimi Danaıl Ahmetov.
