AQSh prezidenti Donald Tramp Ýkraina prezidenti Vladimir Zelenskiimen telefon arqyly sóilesý barysynda soǵysty barynsha qysqa merzimde toqtatýǵa nietti ekenin jetkizgen, dep habarlaidy Dalanews.kz.
Bul týraly ýkrainalyq sheneýnik pen ózge de derekkózderge silteme jasaǵan Axios jazdy.
Basylym derekkózine sáikes, Zelenskii áńgime kezinde qaqtyǵys biylǵy jyldyń sońyna deiin aiaqtalýy múmkin degen úmitin bildirgen.
Eki el basshysy 25 aqpanda telefon arqyly sóilesken, áńgime shamamen 30 minýtqa sozylǵan. Axios málimetinshe, kelissóz dostyq ári oń atmosferada ótken. Ýkraina tarapynyń ókili men taǵy bir derekkóz Zelenskiidiń Trampqa kórsetip otyrǵan qoldaýy úshin alǵys aitqanyn jáne Kremldi soǵysty toqtatýǵa tek AQSh qana májbúrlei alady degen pikir bildirgenin habarlady.
