«Jol aktivteriniń ulttyq sapa ortalyǵy» RMK Bas direktory Zamir Saǵynovtyń aitýynsha, ortalyq oqýshylar arasynda kásibi baǵdarlaý jumysyn júrgizip, jol jóndeýshi mamandyǵy týraly, osy kásiptiń artyqshylyqtary men keleshegi týraly mektep túlekterine tolyq aqparat berý sharalaryn bastaǵan.
Eger buryn aimaqtyq zerthanalar respýblikalyq joldardyń sapasyn tekserip, onyń kemshilikterimen kúresse, qazir qurylǵan ortalyq barlyq jalpyǵa ortaq joldardy, sonyń ishinde jergilikti joldardy tutas qamtidy.
Ortalyq álemdik deńgeide qalyptasqan standarttardy keńinen engizýde.
Munan ózge, stýdentterge aqy tólenetin praktikadan ótýlerine múmkindik jasalǵan. Jaz boiy ortalyqta 45 stýdent atqarǵan eńbekterine qarai aqysyn alyp, teoriialyq bilimderin naqty jumyspen ushtastyryp, tájiribeden ótti.
Osyndai naqty sharalar arqyly avtomobil joldary salasynda bilikti maman tapshylyǵyn joiý jumystary bastaldy.
Joldyń sapaly salynýy, muqiiat jáne standarttarǵa sai jóndeýden ótkizilýi, túptiń túbinde – adam ómirin, ásirese sábilerdiń, mektep oqýshylarynyń ómirlerin saqtap qalýǵa ákeletinin esten shyǵarmaý qajet. Munyń bári halyqaralyq deńgeide qabyldanǵan biik talaptar, al olardy múltiksiz oryndaý – tek jolshylar paryzy ǵana emes, sol joldy paidalanatyn avtomobil júrgizýshileri men jaiaý júrginshilerdiń de mindeti.
