Shymkentte Nurai Serikbaidyń ólimine qatysty ótip jatqan sot otyrysynda aiyptalýshy Sherhan Aimahan málimdeme jasap, keshirim surady, dep habarlaidy dalanews.kz.
Sotta ol kisi óltirgeni úshin emes, óziniń psihikalyq jaǵdaiyna ýaqytynda mán bermegeni úshin ókinetinin aitty. Onyń sózinshe, dál osy jaǵdai qaiǵyly oqiǵaǵa sebep bolǵan.
Aiyptalýshynyń aitýynsha, 2019 jyly basynan jaraqat alǵannan keiin oǵan obsessivti-kompýlsivti buzylys diagnozy qoiylǵan. Ol sodan beri ata-anasy psihiatrlarǵa qaratyp, Almaty men Qaskeleńdegi emshilerge aparǵanyn, tipti úide túrli dini jáne dástúrli joralǵylar jasaǵanyn jetkizdi. Osyǵan bailanysty ol Nuraidyń týystarynan, óz jaqyndarynan jáne Qazaqstan halqynan keshirim surady.
Sonymen qatar, Aimahan Nuraiǵa óziniń diagnozy týraly eshqashan aitpaǵanyn málimdep, qyzdy ańdydy degen aiyptaýdy taǵy da joqqa shyǵardy.
Alaida is materialdaryna sáikes, sot-psihiatriialyq saraptama Sherhan Aimahandy esi durys dep tanyǵan. Tergeý ony asa qatygezdikpen adam óltirý, adam urlaý, ańdý jáne nekege turýǵa májbúrleý baptary boiynsha aiyptap otyr. Eger kinási dáleldense, oǵan ómir boiyna bas bostandyǵynan aiyrý jazasy taǵaiyndalýy múmkin.
