Aýylsharýashylyq salasy alǵa basqan aýdan
– Aýyldyq okrýgte 5 tary tsehy ónimdi eńbek etýde. Aýyldardy abattandyrý jumystary aiasynda «Shatqal» is-sharalar josparyna sáikes 12 gektar jerge 5040 túp túrli kóshetter otyrǵyzylyp, aldaǵy kúnderi qosymsha 3 gektar aýmaqqa aǵash kóshetteri otyrǵyzylady, – dedi okrýg basshysy.
Al Maiaqum aýyl okrýginiń ákimi Berikbai Imanovtyń aitýynsha, okrýgte josparǵa sáikes júrgizilgen jumystar nátijesinde biyl 3140 gektar jerge túren salynyp, túrli daqyldar egilgen. Bul ótken jylmen salystyrǵanda 113 paiyzǵa artyq. Sonymen qatar, Maiaqum aýylynan shyqqan 9 Sotsialistik Eńbek Eri, 186 UOS qatysýshylar men tylda eńbek etkenderge, aýyldan shyqqan aqyndar jáne qoǵam qairatkerleriniń qurmetine «Ardagerler» saiabaǵy salynǵan. Atalǵan jumystarǵa biýdjet qarjysynan bólek, aýyl kásipkerleri de qol ushyn sozyp, demeýshilik jasaǵanyn jetkizdi.
Mal basy artyp, jylyjai óndirisi jolǵa qoiylǵan aýyl okrýginde týristik klasterdi damytý baǵytynda aýqymdy jumystar júrgizilýde. Demeýshiler esebinen «Oqsyz» qalashyǵyna kelýshi týristerge qolaily jaǵdai jasaý baǵytynda birshama josparlar qolǵa alynýda. Iaǵni, avtokólik jáne aiaq joldar men avtoturaq salyp, abattandyrý qajettigin tilge tiek etken aýyl ákimi keler jyly «Qosterek» eldimekeninde aýyz sý máselesi tolyq sheshim tabatynyn da atap ótti.
Qoǵamdyq keńes músheleri aýyl ákimderiniń jumystaryna oń baǵa berdi.
Jiyn sońynda aýdan ákimi Erlan Aitahanov aýyl okrýgterinde atqarylǵan jumystar men aldaǵy atqarylýy tiis isterge toqtalyp, birqatar tapsyrmalar júktedi. Sondai-aq, Qoǵamdyq keńes músheleriniń belsendiligine alǵysyn bildirip, usynys-pikirler aýyldyq okrýg basshylary tarapynan eskeriletinin jetkizdi.
Otyrar aýdany ákiminiń baspasóz qyzmeti
