Sońǵy 10 jyl aralyǵynda qurylysy júrgizilip, iske qosylmaǵan nysandardy qosý boiynsha jumystar qarqyn aldy. Halyq sanymen eseptegende, 1 mln 650 myńǵa jýyq halyq ne oblys turǵyndarynyń 77,8 paiyzy tabiǵi gazben qamtylǵan.
Óńir turǵyndaryn tabiǵi gazben qamtamasyz etý jumystary kezeń-kezeńimen júrgizilip keledi. Bir jylda 62 gazben qamtý nysanynyń qurylysy aiaqtalyp, gazben qamtylǵan eldi mekender sany 513-ke jetti. Oblystyń strategiialyq damý josparyna sáikes jáne gaz resýrsynyń múmkindigin eskere otyryp, 2030 jylǵa deiin oblystyń eldi mekenderin 100 paiyz gazben qamtamasyz etý kútilýde.
– Gazsyz otyrǵan aýyldarǵa tabiǵi gaz jetkizildi. Halyqtyń ómir súrýine qolaily jaǵdai jasaý maqsatynda tabiǵi gazben qamtý baǵytyndaǵy jumystar óz nátijesin berýde. Endi aýylǵa kelip turǵan gazdyń igiligin halyq kórý kerek. Aýdan, qala ákimdikterimen birlesip jumys isteńizder, – degen oblys ákimi aýdan, qala ákimderine gaz barǵan aýyldardyń úilerin gazǵa qosýdy tapsyrdy.
Túrkistan oblysynyń energetika jáne turǵyn úi-kommýnaldyq sharýashylyq basqarmasynyń basshysy Rýslan Muzdybekovtiń aitýynsha, ótken jyly oblystyq biýdjetten 7 mlrd teńge qarjy bólingen. Jalpy 17,5 mlrd teńge bólingen. 2023 jyly 27 joba iske asyrylyp, 27 eldi meken gazben qamtylǵan. 47 nysan qurylysy 2024 jylǵa ótpeli.
Biyl gazdandyrý jumystaryna 10,1 mlrd teńge qarjy bólingen. 71 nysan qurylysy júrgiziledi. Jyl sońyna deiin 38-i paidalanýǵa berilse, 33 nysan 2025 jylǵa ótpeli. Qurylysy aiaqtalǵanymen, gazǵa qosylmaǵan nysandar da bar.
Jiyn barysynda jobalardyń mezgilinde jáne sapaly iske asyrylýyna jaýapkershilikti kúsheitý, jobalyq-smetalyq qujattama ázirleý deńgeiin jyldamdatý, qurylys montaj jumystarynyń sapasyna baqylaýdy kúsheitý jáne jumystardy josparly túrde jalǵastyrý jaiy da talqylandy.
