سوڭعى 10 جىل ارالىعىندا قۇرىلىسى جٷرگٸزٸلٸپ, ٸسكە قوسىلماعان نىسانداردى قوسۋ بويىنشا جۇمىستار قارقىن الدى. حالىق سانىمەن ەسەپتەگەندە, 1 ملن 650 مىڭعا جۋىق حالىق نە وبلىس تۇرعىندارىنىڭ 77,8 پايىزى تابيعي گازبەن قامتىلعان.
ٶڭٸر تۇرعىندارىن تابيعي گازبەن قامتاماسىز ەتۋ جۇمىستارى كەزەڭ-كەزەڭٸمەن جٷرگٸزٸلٸپ كەلەدٸ. بٸر جىلدا 62 گازبەن قامتۋ نىسانىنىڭ قۇرىلىسى اياقتالىپ, گازبەن قامتىلعان ەلدٸ مەكەندەر سانى 513-كە جەتتٸ. وبلىستىڭ ستراتەگييالىق دامۋ جوسپارىنا سەيكەس جەنە گاز رەسۋرسىنىڭ مٷمكٸندٸگٸن ەسكەرە وتىرىپ, 2030 جىلعا دەيٸن وبلىستىڭ ەلدٸ مەكەندەرٸن 100 پايىز گازبەن قامتاماسىز ەتۋ كٷتٸلۋدە.
– گازسىز وتىرعان اۋىلدارعا تابيعي گاز جەتكٸزٸلدٸ. حالىقتىڭ ٶمٸر سٷرۋٸنە قولايلى جاعداي جاساۋ ماقساتىندا تابيعي گازبەن قامتۋ باعىتىنداعى جۇمىستار ٶز نەتيجەسٸن بەرۋدە. ەندٸ اۋىلعا كەلٸپ تۇرعان گازدىڭ يگٸلٸگٸن حالىق كٶرۋ كەرەك. اۋدان, قالا ەكٸمدٸكتەرٸمەن بٸرلەسٸپ جۇمىس ٸستەڭٸزدەر, – دەگەن وبلىس ەكٸمٸ اۋدان, قالا ەكٸمدەرٸنە گاز بارعان اۋىلداردىڭ ٷيلەرٸن گازعا قوسۋدى تاپسىردى.
تٷركٸستان وبلىسىنىڭ ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسىنىڭ باسشىسى رۋسلان مۇزدىبەكوۆتٸڭ ايتۋىنشا, ٶتكەن جىلى وبلىستىق بيۋدجەتتەن 7 ملرد تەڭگە قارجى بٶلٸنگەن. جالپى 17,5 ملرد تەڭگە بٶلٸنگەن. 2023 جىلى 27 جوبا ٸسكە اسىرىلىپ, 27 ەلدٸ مەكەن گازبەن قامتىلعان. 47 نىسان قۇرىلىسى 2024 جىلعا ٶتپەلٸ.
بيىل گازداندىرۋ جۇمىستارىنا 10,1 ملرد تەڭگە قارجى بٶلٸنگەن. 71 نىسان قۇرىلىسى جٷرگٸزٸلەدٸ. جىل سوڭىنا دەيٸن 38-ٸ پايدالانۋعا بەرٸلسە, 33 نىسان 2025 جىلعا ٶتپەلٸ. قۇرىلىسى اياقتالعانىمەن, گازعا قوسىلماعان نىساندار دا بار.
جيىن بارىسىندا جوبالاردىڭ مەزگٸلٸندە جەنە ساپالى ٸسكە اسىرىلۋىنا جاۋاپكەرشٸلٸكتٸ كٷشەيتۋ, جوبالىق-سمەتالىق قۇجاتتاما ەزٸرلەۋ دەڭگەيٸن جىلدامداتۋ, قۇرىلىس مونتاج جۇمىستارىنىڭ ساپاسىنا باقىلاۋدى كٷشەيتۋ جەنە جۇمىستاردى جوسپارلى تٷردە جالعاستىرۋ جايى دا تالقىلاندى.
