Byltyr aýyldyq jerlerge jumys isteýge barǵan qazaqstandyq dárigerlerdiń 30 paiyzyna kóterme aqy tólenbegen. Bul týraly Densaýlyq saqtaý ministri Aqmaral Álnazarova málimdedi, dep habarlaidy Dalanews.kz.
Aýylǵa qonys aýdaryp, jumysqa ornalasqan asa tapshy mamandyqtardaǵy dárigerlerge 8,5 million teńgege deiin kóterme aqy berilýi tiis. Alaida ministrdiń aitýynsha, 2024 jyly osyndai tólemdi dárigerlerdiń úshten biri ala almaǵan.
“Byltyr aýyldyq jerlerge 370 jas maman jumysqa ornalasty. Alaida olardyń tek 254-i ǵana (70%) kóterme aqy aldy. Aqmola, Jambyl, Batys Qazaqstan jáne Abai oblystarynda ólim-jitim deńgeii joǵary bolǵanyna qaramastan, bul qoldaý qarastyrylmaǵan”, – dedi ministr Úkimet otyrysynda.
Óz kezeginde Premer-ministr Oljas Bektenov aýylǵa barǵan jas dárigerlerge barlyq óńirde kóterme tólemdi tolyq qamtamasyz etý qajet ekenin qadap aitty.
