Jyl basynan beri «Mal sharýashylyǵyn damytýdaǵy 2016-2020 jyldarǵa arnalǵan is-sharalar baǵdarlamasyna» sáikes, mal bordaqylaityn 33 alańsha ashylǵanyn, onyń 23-i kásipkerlerdiń óz qarajaty esebinen júzege asqanyn tilge tiek etti. Sonymen qatar, et baǵytynda – 1 kooperativ, sút baǵytynda – 2 kooperativ qurylǵanyn atap ótti. Aýyl okrýginde 6 mektep, 6 jeke menshik balabaqsha bar. 65 dúken, 5 dárihana, 1 naýbaihana, 6 qysh tsehy, 1 diirmen, 1 toihana el igiligine qyzmet etýde.
Aýdandyq jer qatynastary bóliminiń basshysy Meirambek Aqmuratovtyń málimdeýinshe, túgendeý jumystaryn júrgizý barysynda 11 úidiń qujaty durys emestigi jáne 259 jer telimi igerilmegeni anyqtalǵan.
Al, aýdandyq kásipkerlik bóliminiń basshysy Fatima Tashimova aýyl ákimshiligi tarapynan. «Biznestiń jol kartasy – 2020» baǵdarlamasy boiynsha qarjylandyrýǵa eshqandai joba usynylmaǵanyn málimdedi. Aýdandyq turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi basshysynyń mindetin qosa atqarýshy Ǵalymjan Ospanqul jeke menshiktegi sý men elektr júielerin aýdan teńgerimine alý boiynsha atqarylǵan jumystar jaiyn áńgimeledi.
Aýdan ákimi Rashid Úsiphanuly aýdandyq ekonomika jáne qarjy bólimine aýdandaǵy barlyq aýyl okrýginiń áleýmettik-ekonomikalyq damý kartasyn ázirleýdi tapsyrdy. Sonymen qatar, usynys ázirleý barysynda áleýmettik nysandar ornalasqan kóshelerdiń jóndelýi, aiaqjol salynýy, jaryqtandyrylýy basty nazarǵa alyný qajettigin eskertti.
– Basty mindetimiz – turǵyndarǵa jaǵdai jasaý, olardyń qajettilikterin eskere otyryp, erteńge jospar túzý. Kóshpeli májilis ótkizýdegi basty maqsat osy. Biz bir-birimizge kedergi jasamai, qaita qoldap jumys isteýimiz kerek. Aýyldy damytý úshin aitylǵan tapsyrmalar sóz júzinde qalmai, iske asyrylýy mańyzdy. Talap – oryndalýymen qundy. Sondyqtan, talapqa sai jumys isteńizder, – dei kele, aýdan ákimi aktiv májilisin qorytyndylady.
