جىل باسىنان بەرٸ «مال شارۋاشىلىعىن دامىتۋداعى 2016-2020 جىلدارعا ارنالعان ٸس-شارالار باعدارلاماسىنا» سەيكەس, مال بورداقىلايتىن 33 الاڭشا اشىلعانىن, ونىڭ 23-ٸ كەسٸپكەرلەردٸڭ ٶز قاراجاتى ەسەبٸنەن جٷزەگە اسقانىن تٸلگە تيەك ەتتٸ. سونىمەن قاتار, ەت باعىتىندا – 1 كووپەراتيۆ, سٷت باعىتىندا – 2 كووپەراتيۆ قۇرىلعانىن اتاپ ٶتتٸ. اۋىل وكرۋگٸندە 6 مەكتەپ, 6 جەكە مەنشٸك بالاباقشا بار. 65 دٷكەن, 5 دەرٸحانا, 1 ناۋبايحانا, 6 قىش تسەحى, 1 ديٸرمەن, 1 تويحانا ەل يگٸلٸگٸنە قىزمەت ەتۋدە.
اۋداندىق جەر قاتىناستارى بٶلٸمٸنٸڭ باسشىسى مەيرامبەك اقمۇراتوۆتىڭ مەلٸمدەۋٸنشە, تٷگەندەۋ جۇمىستارىن جٷرگٸزۋ بارىسىندا 11 ٷيدٸڭ قۇجاتى دۇرىس ەمەستٸگٸ جەنە 259 جەر تەلٸمٸ يگەرٸلمەگەنٸ انىقتالعان.
ال, اۋداندىق كەسٸپكەرلٸك بٶلٸمٸنٸڭ باسشىسى فاتيما تاشيموۆا اۋىل ەكٸمشٸلٸگٸ تاراپىنان. «بيزنەستٸڭ جول كارتاسى – 2020» باعدارلاماسى بويىنشا قارجىلاندىرۋعا ەشقانداي جوبا ۇسىنىلماعانىن مەلٸمدەدٸ. اۋداندىق تۇرعىن ٷي-كوممۋنالدىق شارۋاشىلىعى, جولاۋشىلار كٶلٸگٸ جەنە اۆتوموبيل جولدارى بٶلٸمٸ باسشىسىنىڭ مٸندەتٸن قوسا اتقارۋشى عالىمجان وسپانقۇل جەكە مەنشٸكتەگٸ سۋ مەن ەلەكتر جٷيەلەرٸن اۋدان تەڭگەرٸمٸنە الۋ بويىنشا اتقارىلعان جۇمىستار جايىن ەڭگٸمەلەدٸ.
اۋدان ەكٸمٸ راشيد ٷسٸپحانۇلى اۋداندىق ەكونوميكا جەنە قارجى بٶلٸمٸنە اۋدانداعى بارلىق اۋىل وكرۋگٸنٸڭ ەلەۋمەتتٸك-ەكونوميكالىق دامۋ كارتاسىن ەزٸرلەۋدٸ تاپسىردى. سونىمەن قاتار, ۇسىنىس ەزٸرلەۋ بارىسىندا ەلەۋمەتتٸك نىساندار ورنالاسقان كٶشەلەردٸڭ جٶندەلۋٸ, اياقجول سالىنۋى, جارىقتاندىرىلۋى باستى نازارعا الىنۋ قاجەتتٸگٸن ەسكەرتتٸ.
– باستى مٸندەتٸمٸز – تۇرعىندارعا جاعداي جاساۋ, ولاردىڭ قاجەتتٸلٸكتەرٸن ەسكەرە وتىرىپ, ەرتەڭگە جوسپار تٷزۋ. كٶشپەلٸ مەجٸلٸس ٶتكٸزۋدەگٸ باستى ماقسات وسى. بٸز بٸر-بٸرٸمٸزگە كەدەرگٸ جاساماي, قايتا قولداپ جۇمىس ٸستەۋٸمٸز كەرەك. اۋىلدى دامىتۋ ٷشٸن ايتىلعان تاپسىرمالار سٶز جٷزٸندە قالماي, ٸسكە اسىرىلۋى ماڭىزدى. تالاپ – ورىندالۋىمەن قۇندى. سوندىقتان, تالاپقا ساي جۇمىس ٸستەڭٸزدەر, – دەي كەلە, اۋدان ەكٸمٸ اكتيۆ مەجٸلٸسٸن قورىتىندىلادى.
